Qazaqstanda tuńǵysh ret Áıelderdiń halyqaralyq bıznes forýmy ótedi

ASTANA. QazAqparat - 4 naýryz kúni elordada Zhaina І halyqaralyq áıelder forýmy ótedi. Elimizde alǵash ret ótetin shara áıelder úshin yntalandyrýshy bıznes alań bolmaq, dep habarlaıdy QazAqparat zhaina-forum.kz saıtyna silteme jasap.

Forýmda Qazaqstan, Reseı, Ýkraına, Belarýs, Sıngapýr jáne AQSh-tan kelgen tabysty bıznes-ledıler men úzdik spıkerler ómirlik maqsatqa jetý jolyndaǵy shynaıy jetistikterimen bólisetin bolady. Joba óz salasynda kóshbasshy atanǵysy keletin 500-den astam áıeldiń basyn qosady.

Spıkerler qatarynda Astana halyqaralyq qarjy ortalyǵynyń tsıfrlyq tehnologııalar jónindegi dırektory Ásel Jıenbaeva, shahmattan áıelder arasynda halyqaralyq grossmeıster Dınara Sádýaqasova, jartylaı jeńil (IBO) jáne jeńil (WIBA) salmaqta álem chempıony Fırýza Sháripova, bıznes jattyqtyrýshy ári oqytýshy Djenıfer Lıýıs (AQSh), Community iskerlik basylymynyń shef-redaktory Tatıana Lıýlka (Ýkraına), áıelderge arnalǵan LADY.TUT.BY saıtynyń jetekshisi Svetlana Zere (Belarýs), jazýshy, bıznes-jattyqtyrýshy Larısa Parfenteva (Reseı), halyqaralyq Success Resources kompanııasynyń teń quryltaıshysy Veronıka Tan (Sıngapýr) bar.