Qazaqstanda tserebraldy sal aýryna shaldyqqan balalar sany 19 myńnan asady
Tserebraldy sal aýrýynyń negizgi sebebi - uryqtyń damýy kezinde bas mıynyń buzylýy men zaqymdalýyna baılanysty bolady. Nevrolog dárigerler salmaǵy shala týǵan balalardyń 20-25% - da sal aýrýy paıda bolýy múmkin deıdi. Al ananyń qursaǵynda jatqan sharananyń mıynyń damýyndaǵy ózgeristerdi keı jaǵdaıda ÝDZ arqyly anyqtaýǵa bolady. Tserebraldy sal aýrýynyń alǵashqy belgileri dúnıege kelgen sábı omyraýdy eme almaıdy, aıaq, qoly ıegi dirildeıdi. Balaǵa naqty dıagnozdy anyqtap qoıý úshin dáriger tekserisinen ótý kerek. Tserebraldy sal aýrýyn emdeıtin dárilik preparat joq. Tek reabılıtatsııa arqyly balanyń jaǵdaıyn jaqsartýǵa, qoǵamǵa, ortaǵa beıimdeýge bolady. Sal aýrýyna shaldyqqan balanyń jaǵdaıyn jaqsartý úshin únemi ońaltý sharaly qajet.
Elimizde tegin 55 ońaltý ortalyǵy jáne 3 respýblıkalyq deńgeıdegi ortalyq jumys istep tur. Áli de reabılıtatsııalyq ortalyqtar ashylady dep josparlanýda. Al osy ortalyqtardan em alý úshin turǵylyqty emhanalardan tegin joldama beriledi. Ata-ana balada jaqsy nátıje bolmasa da reabılıtatsııany úzbeýi kerek. Sebebi balanyń jaǵdaıyn nasharlatyp, onyń damýy keri ketedi.
Múmkindik bolsa sal aýrýy dıagnozy qoıylǵan balany reabılıtatsııadan qaldyrmańyz. Negizinen tserebraldy sal aýrýynyń aýyr dárejesindegi naýqasta qosymsha aýrýlar qatar júredi, ımmýnıteti tómen bolady. Al naýqas bala tynysh uıyqtaýy úshin uıyqtaǵan kezde yńǵaıly onyń jan-jaǵyna kórpe, jastyq, aıaǵynyń ortasyna jumsaq nárse nemese valık qoıý kerek. Tserebraldy sal aýyry dıagnozy qoıylǵan balany birden qoltyǵynyń astynan kóterýge bolmaıdy jáne balany aldyńyzǵa alyp otyrǵan kezde aıaǵyn búgip jınaý da mańyzdy.
Tserebraldy sal aýrýy neden paıda bolady? Onyń em joldary týraly «Jibek joly arnasynda» 1 jeltoqsan kúni efırge shyqqan «Bizdiń dáriger» habarynan kóre alasyz.