Qazaqstanda tórt aıda 25,3 mln tonna munaı óndirildi

NUR-SULTAN. QazAqparat - Qazaqstanda munaı óndirisi 2019 jylǵy qańtar-sáýir aralyǵynda 25,349 mln tonnany qurady. Bul 2018 jyldyń osyndaı kezeńimen salystyrǵanda 0,2 paıyzǵa az, dep habarlaıdy QazAqparat.

QR Ulttyq ekonomıka mınıstrligi Statıstıka komıtetiniń aqparatyna sáıkes, atalǵan kezeńde 4,208 mln tonna (byltyrǵydan 5,7 paıyz az) - gaz kondensaty, 18,817 mlrd tekshe metr (+0,4%) - tabıǵı gaz, 38,22 mln tonna (-1%) kómir óndirilgen.

Sondaı-aq, temir rýdalary - 12,823 mln tonna (-4,6%), jez rýdalary - 36,829 mln tonna (+13%), quramynda altyny bar rýdalar - 7,407 mln tonna (+26,4%), hrom qospasy 1,642 mln tonna (+13,8%) kóleminde óndirildi.

Avtor:

Ashat Ahmetbekov