Qazaqstanda tómen sanattaǵy astyqty eksporttaý múmkindigi pysyqtalyp jatyr

<p>&laquo;Azyq-túlik kelisimshart korporatsııasy&raquo; Ulttyq kompanııasy&raquo; AQ sapasy tómen astyqty eksporttaý máselesine qatysty túsinik berdi, dep habarlaıdy <a href="Kazinform" target="_blank" rel="noopener">Kazinform</a>.</p>

«Qazirgi erekshe jaǵdaıdy eskere otyryp, Azyq-túlik kelisimshart korporatsııasy tıisti jumysty jalǵastyryp, sapasy tómen bıdaıdy eksporttaý múmkindikterin izdestirip jatyr. Osy ónimdi ótkizýge qatysty jaǵdaı óte kúrdeli. Degenmen, bul baǵyttaǵy jumysty», - delingen atalǵan korporatsııasynyń Kazinform agenttigine bergen jaýabynda.

Sonymen qatar qytaılyq ınvestorlardyń aýyl sharýashylyǵynyń qaı salasyna ınvestıtsııa salýy múmkin ekeni belgili boldy.

«Aýyl sharýashylyǵy ónimderin qaıta óńdeýge ınvestıtsııa tartý perspektıvalaryna qatysty toqtalsaq, birinshi kezekte qytaılyq seriktester maı óńdeıtin kásiporyndarǵa qarajat salýǵa múddeli», - dep atalyp ótken habarlamada.

Eske salsaq, Qazaqstanda fermerler sapasy tómen astyqtan shyǵynǵa batýy múmkin. 

«Naqtyraq aıtsaq, 5,6 mıllıon tonnanyń (sapasy tómen astyq) 200 myńyn ǵana eksporttaısyzdar. Munyń ózinde Qytaı osy 200 myń tonnany naqty alatyny belsiz jáne bul kólem jalpy problemany sheshpeıtini túsinikti. Al qalǵan 5,4 mln tonnany qaıda jiberemiz? Birinshiden, bul máseleni tez arada sheshpese, tómen sanattaǵy osy astyq kóktep shyǵady nemese kúıip ketedi. Bizdiń esepteýimizshe, bul sapasyz tómen astyqtyń tonnasy 55 myń teńge bolsa, qazir sharýalardyń qoımalarynda 300 mıllıard teńgeniń ónimi jatyr. Al eki aıda ol jaramsyz bolyp qalady. Bul aqshany sharýalarǵa kim qaıtarady», - dedi depýtat Serik Egizbaev Májiliste ótken jıynda.