Qazaqstanda tólqujat pen jeke kýálik jasatý quny ózgerdi
«Azamattarǵa arnalǵan úkimet» memlekettik korporatsııasynan málim etkendeı, 2025 jyldan bastap elde aılyq eseptik kórsetkish 3 932 teńgege ósti. Osyǵan baılanysty memlekettik qujattardy daıyndaý quny da kóbeıdi.
Tólqujat jasatý quny:
– 24 paraq – 4 AEK, ıaǵnı 15 728 teńge (16 jasqa deıingi balalar úshin);
– Qoldanystaǵy 36 paraq tólqujat quny 8 AEK ıaǵnı, 31 456 teńgege ósedi.
– 48 paraq – 12 AEK, ıaǵnı 47 184 teńge (eresekterge) bolady.
Tólqujat ótinim bergen kúnnen bastap 15 jumys kúni ishinde daıyndalady. Biraq qazaqstandyqtar qosymsha aqy tólep, tólqujatty tezirek alýyna bolady.
Jeke kýálik jasatý quny:
Turǵyndar jeke kýálik jasatý úshin 0,2 AEK nemese 786,4 teńge tóleýi kerek. Biraq jeke kýáligin joǵaltyp, bir jyl ishinde eki retten artyq jasatsa, 1 AEK nemese 3 932 teńge tóleıtin bolady.
Jedeldetip ázirleý múmkindigi
Astana, Almaty, Shymkent jáne Aqtóbe qalalary úshin: 1 jumys kúninde ázirlep berý - 3 372 teńge, 3 jumys kúninde daıyndap berý úshin - 1 771 teńge tóleý kerek.
Oblys ortalyqtary úshin: 3 jumys kúni - 3 372 teńge. 5 jumys kúni - 1 771 teńge.
Aýdandar men oblys qalalary úshin: 7 jumys kúni - 605,31 teńge.
Aıta keteıik, «2025-2027 jyldarǵa arnalǵan respýblıkalyq bıýdjet» týraly zańǵa saı, bıyl 1 aılyq eseptik kórsetkish (AEK) 3932 teńge bolyp bekitildi. Byltyr bir AEK 3692 teńge bolǵan.