Qazaqstanda TMD Elektr energetıkalyq keńesiniń 60-shy otyrysy ótedi
Keńeste Qazaqstan atynan QR Energetıka mınıstri Maǵzum Myrzaǵalıev qatysty.
Keńeste jahandyq klımattyq kún tártibi men TMD-ǵa qatysýshy memleketterde júrgizilip jatqan Klımattyq saıasat máseleleri talqylandy.
Otyrysta Maǵzum Myrzaǵalıev Qazaqstan Respýblıkasynyń energetıkalyq sektoryn karbonsyzdandyrý týraly baıandama jasap, onda Qazaqstannyń aldynda turǵan tómen kómirtekti damýǵa kóshý, keıinnen kómirteksiz ekonomıkaǵa aınaldyrý jónindegi mańyzdy mindet týraly atap ótti.
Maǵzum Myrzaǵalıev Memleket basshysynyń 2020 jylǵy jeltoqsanda BUU-nyń klımattyq máseleler jónindegi sammıtinde belgilengen 2060 jylǵa qaraı Qazaqstannyń kómirtekti beıtaraptyqqa qol jetkizýi jónindegi maqsatyna qol jetkizýge baǵyttalǵan is-sharalar týraly aıtty.
Qazirgi ýaqytta Qazaqstan Respýblıkasynyń kómirtegi beıtaraptyǵyna 2060 jylǵa deıin qol jetkizý doktrınasy ázirlenýde, onda tereń karbonsyzdandyrý boıynsha sharalar kózdelgen.
Energetıkalyq sektordaǵy parnıktik gazdar shyǵaryndylaryn azaıtý jáne tómen kómirtekti ekonomıkaǵa kóshý jónindegi josparlar bazalyq ta, manevrlik te generatsııany engizý jónindegi birqatar jobalardy iske asyrý jolymen júzege asyrylatyn bolady.
Osylaısha, jaqyn bolashaqta negizinen jańartylatyn energııa kózderin, sondaı-aq gaz generatsııasy boıynsha birqatar jobalardy salý boljanyp otyr.Energııa júıesin renovatsııalaý jónindegi osy tujyrymdama Memleket basshysynyń tapsyrmasyna sáıkes ázirlengen Qazaqstan Respýblıkasynyń 2035 jylǵa deıingi energetıkalyq balansynda kórsetilgen.
Sonymen qatar, Memleket basshysynyń tapsyrmasyn oryndaý maqsatynda Úkimet Qazaqstan Respýblıkasynyń gıdroenergetıkalyq salasyn damytýdyń 2020-2030 jyldarǵa arnalǵan josparyn bekitti. Іske asyrylatyn jáne perspektıvalyq jobalardy qosý úshin elektr jelileriniń jaı-kúıin, qurylysyn salý jáne jańǵyrtý qajettiligin taldaý boıynsha jumys júrgizilýde.
Jalpy, 2030 jylǵa qaraı kelesi kórsetkishterge qol jetkizý josparlanýda:
- JEK-ten elektr energııasyn óndirý úlesiniń 15%;
- gaz generatsııasynyń 25% úlesi.
Qorytyndylaı kele, QR Energetıka mınıstri 2022 jyly Qazaqstan Respýblıkasynda TMD Úkimet Basshylary Keńesiniń otyrysy ótetin kezde TMD Elektr energetıkalyq keńesiniń betpe-bet kezdesýin ótkizý usynysyn qoldady.