Qazaqstanda tilderdi oqytýdyń biryńǵaı ádistemesi jasaqtalady
Bul týraly búgin Ortalyq kommýnıkatsııalar qyzmetinde Tilderdi damytý jáne qoǵamdyq-saıası jumys komıteti Sh. Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy dırektory laýazymyn atqarýshy Ábil Qonysbaı málim etti.
Onyń aıtýynsha, ortalyqta til oqýynan ótkeni týraly sertıfıkatty bir jerden berý týraly máseleniń zańnamalyq qyrlary, oqý baǵdarlamasynyń biryńǵaı júıesi men til ortalyqtarynda qyzmetkerlerdiń biliktiligin arttyrý jóninde saýaldar talqylanýda.
«Bul jumys negizinen Qazaqstan qalalary men aımaqtarynda ornalasqan ortalyqtardyń jumysyn birizdendirýge baǵyttalǵan. Sebebi saǵatttary ár túrli, biryńǵaı ádisteme de joq», - dedi ol.
«Ortalyq baǵdarlama aıasynda 100-ge jýyq oqý-ádistemelik qural jasap shyqty jáne ony barlyq aımaqtarǵa úlestirdi. Ortalyqta eki mýltımedıalyq kabınet bar, 3000 kitap qory saqtalǵan kitaphana bar. Búgingi tańda ortalyqta oqý-ádistemelik jumystarmen qatar, baspa isin ǵylymı saraptamadan ótkizý múmkindigi bar. Ózimizdiń saıtymyz da jumysyn jasap jatyr. Kúndelikti oqý-ádistemelik termınologııa, sotsıolıngvıstıka, aýdarma isi jáne qazaqtaný syndy bólimder qyzmetterin atqarýda», - deıdi ol.