Qazaqstanda termınderdiń elektrondy qory qurylady
Bul týraly búgin Ortalyq kommýnıkatsııalar qyzmetinde Tilderdi damytý jáne qoǵamdyq-saıası jumys komıteti Sh. Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵy dırektory laýazymyn atqarýshy Qonysbaı Ábil málim etti.
«Termınologııa salasy - ǵylymnyń mańyzdy bóligi. Qazaqstan Respýblıkasyndaǵy tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasynda qazaqstandyqtardyń til mádenıetin qalyptastyrý kózdelgen. Qolǵa alynatyn sharalardyń ishinde qazaq termınologııasyn júıege keltirý, termınderdi qazaq tiliniń aıtylý jáne jazylý zańdylyqtaryna saı termınderdi, jańa sózder men ataýlardy birizdendirý óte mańyzdy ról atqarady. Bul jumys álemdik tájirıbeni, týys tilderdiń modelin, halyqaralyq termınderdi qoldana otyryp jasalýy tıis. Sonymen qatar jańadan bekitilgen termınderdiń BAQ-ta jarııalaný jıiligine monıtorıng ótkizilip turǵany abzal», - deıdi Q. Ábil.
Onyń sózine qaraǵanda, baǵdarlamaǵa sáıkes 2014 jyly qazaq tiliniń rettelgen termınologııalyq qorynyń úlesi 20%-ǵa, 2017 jylǵa qaraı - 60%-ǵa, al 2020 jylǵa qaraı - 100%-ǵa jetkizý mindeti alǵa qoıylǵan.
«Osy maqsattarǵa qol jetkizý úshin ortalyq termınderdiń elektrondyq qoryn qurý boıynsha ǵylymı-tájirıbelik zertteýler jasaýda. Portaldyń negizgi maqsaty - tiltanýshy ǵalymdarǵa birlesip jumys jasaýǵa arnalǵan platforma qurý, sonymen qatar izdenýshilerge qazaq termınologııalyq qoryndaǵy termınderdiń aýdarmasy men etımologııasyna qol jetimdiligin arttyrý», - dep atap ótti Q. Ábil.