Qazaqstanda teńiz porttary arqyly júk tasymaldaý kólemi ósti
«2020 jyldyń alǵashqy 5 aıynda Aqtaý jáne Quryq teńiz porttary arqyly 2,6 mln tonnaǵa jýyq júk tasymaldandy. Bul rette júk avtokólik quraldaryn aýystyryp tıeý kólemi 10 paıyzǵa artty. Ótken jyldyń 5 aıynda bul kórsetkish 2 564 bolsa, bıyl 2824-ke jetti. Sondaı-aq, konteınerlerdi aýystyryp tıeý 19 paıyzǵa ósip, 11 712 boldy», - delingen QR IIDM baspasóz qyzmeti málimetinde.
Bıylǵy qańtar-mamyr aılarynda Kaspıı teńizindegi porttar arasynda saýda floty 1 mln tonna júk tasymaldandy nemese ótken jyldyń sáıkes kezeńimen salystyrǵanda 104 paıyzdy qurady (967 myń tonna).
«Bekitilgen tártipke sáıkes, karantındik kezeńde Aqtaý jáne Quryq teńiz porttary arqyly jolaýshylar tasymalyn júzege asyrýǵa engizilgen shekteý saqtalady. Biraq, onyń shetelderden qaıtyp keletin qazaqstandyq azamattarǵa qatysy joq. Osy oraıda Baký - Quryq paromdyq qatynasymen 161 adam qaıtaryldy», - delingen vedomstvo habarlamasynda.
Epıdemııaǵa qarsy qabyldanǵan sharalar aıasynda porttardyń qyzmetteri sanıtarlyq-karantındik sala qyzmetkerlerimen birlesip portqa keletin barlyq júk kólikterine dezınfektsııa júrgizedi. Porttarda alǵashqy medıtsınalyq kómek kórsetýge arnalǵan karantındik bólmeler jabdyqtaldy.