Qazaqstanda temirjol kóligimen júk tasymaldaý erejeleri ózgerdi

<p>ASTANA. KAZINFORM &ndash; Qazaqstanda júkterdi temirjol kóligimen tasymaldaý erejelerine ózgerister men tolyqtyrýlar engizildi. Tıisti buıryqty QR Kólik mınıstrligi jarııalady.</p>

Oǵan sáıkes, júkti saqtaý tólemi tómendegi sanattarǵa qatysty:

- Túsirý sátinen bastap tıeý-túsirý oryndarynda túsirilgen júkter;

- Júk alýshynyń kómegimen túsirýge jatatyn stantsııa joldaryndaǵy, tıeý-túsirý pýnktterinde bos turǵan vagondardaǵy, konteınerlerdegi júkter, sondaı-aq, júk alýshyǵa júktiń mejeli stantsııaǵa kelgeni týraly habarlanyp, stantsııa joldarynda 24 saǵat bos turyp qalǵan júkter;

- Júktiń mejeli stantsııaǵa kelgeni týraly júk alýshyny habardar etken sátten bastap 24 saǵat ótken soń qaıta baǵyttalýyn kútip turǵan stantsııa joldarynda bos turǵan júkter, vagondardaǵy, konteınerlerdegi júkter.

Sondaı-aq, jańa ózgeristerge sáıkes, aǵymdaǵy jóndeý úshin ajyratylǵan vagondardy saqtaý úshin tólem alynbaıdy.

Sonymen qatar, buıryqta tasymaldaýshynyń tarıftik nusqaýyna (preıskýrant) sáıkes, 10 esege deıin ósirilgen saqtaý alymy júk alýshyǵa júktiń mejeli stantsııaǵa kelgeni týraly habarlanǵan sátten bastap 48 saǵat ótkennen keıin qoldanylatyny kórsetilgen. Taýarlardy saqtaý úshin ulǵaıtylǵan tólemaqyny esepteý 30 kúntizbelik kúnnen aspaıdy.