Qazaqstanda temperatýra rejımi saqtalmaǵan 4,5 myń vaktsına joıyldy

NUR-SULTAN. QazAqparat – Elimizde temperatýra rejımi saqtalmaǵany úshin koronavırýsqa qarsy 4,5 myń vaktsına jaramsyz tanyldy. Bul týraly QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken baspasóz máslıhaty barysynda birinshi vıtse-mınıstr elimizde koronavırýsqa qarsy vaktsınatsııa bastalǵannan beri vaktsınany saqtaý, tasymaldaý máselesine únemi monıtorıng júrgizilip kele jatqanyn aıtty.

«Sol monıtorıngige sáıkes, osy jyldyń aqpan aıynnan bastap 4,5 myń vaktsınanyń temperatýra rejımi saqtalmaǵany anyqtaldy. Erejege sáıkes, mundaı vaktsınalar esepten shyǵarylýy kerek. Bul vaktsınalardy adamdarǵa egýge bolmaıdy. Sondyqtan olar esepten shyǵaryldy», - dedi Marat Shoranov.