Qazaqstanda temirjol stansalarynyń ataýy ózgertildi

ALMATY. QazAqparat - QR Úkimetiniń 2017 jylǵy 29 qarashada jarııalanǵan  №787 qaýlysyna sáıkes eldegi barlyq temirjol stansalarynyń ataýy ózgertildi, dep habarlaıdy QazAqparat tilshisi.

Qujat QR Ádilet mınıstrligi Normatıvti quqyqtyq aktilerdiń aqparattyq-quqyqtyq júıesi saıtynda  jarııalanǵan.

«Qazaqstan Respýblıkasynyń keıbir temirjol stansalarynyń atalýyn ózgertý týraly qaýly resmı túrde jarııalanǵan kúninen bastap kúshine enedi», - dedi

Birinshi qosymshada 15 temirjol stansasy, Óskemendegi Zaşıta - Óskemen-1, Lenınogorsk - Rıdder, Qorǵas stansasy - Altynkól dep atalady. Al Taraz qalasyndaǵy temirjol stansasy Jambyl  emes, Taraz dep atalatyn boldy. 

Ekinshi qosymsha boıynsha stansalardyń aıtylýy men jazylýy ózgeretin boldy. Atap aıtqanda, bıletterde «Alma Ata 1» jáne «Alma Ata 2», Semıpalatınsk, Chý, Taldy-Kýrgan, Manǵyshlaq stansalary Almaty-1, Almaty-2, Semeı, Shý, Taldyqorǵan, Mańǵystaý  dep  kórsetiletin bolady.

Qaýlynyń tolyq mátini myna silteme arqyly tanysýǵa bolady.


Foto: altaynews.kz