Qazaqstanda temekiniń baǵasy ózgeredi
03:41, 28 Mamyr 2024
<p>ASTANA. KAZINFORM – QR Qarjy mınıstri Mádı Takıev temekige eń tómengi baǵany kóterýdi kózdeıtin «súzgisi bar, súzgisi joq temekilerge, papırostar men sıgarıllaǵa jáne qyzdyrylatyn temeki buıymdaryna eń tómengi bólshek baǵany belgileý týraly» № 196 buıryqqa túzetýler engizýge qol qoıdy.</p>
Buıryq qujatyna sáıkes, fıltrli, fıltrsiz 20 temekige, papıros pen sıgarıllaǵa jáne qyzdyrylatyn temeki buıymdaryna eń tómengi bólshek saýda baǵalaryn 2024 jylǵy 1 shildesinen bastap 2024 jylǵy 31 jeltoqsanǵa deıin 770 teńgeden 820 teńgege deıin bekitý josparlandy. 2025 jylǵy 1 qańtardan bastap 870 teńgege deıin ulǵaıtý kózdelgen.
Buıryq «Ashyq NQA» saıtynda 10 maýsymǵa deıin ornalastyrylǵan. Ol 2024 jyldyń 1 shildesinen bastap kúshine enedi.
Temeki buıymdarynyń eń tómengi bólshek saýda baǵasynyń kóterilý sebepteri temeki ónimderine aktsız stavkasynyń ótken jylmen salystyrǵanda 12,8%-ǵa artýy boldy (súzgiden ótken jáne súzgisiz temekige, temekige aktsız stavkasy: 2023 jyly – 14100 teńge/1000 dana, 2024 jyly – 15 900 teńge/1000 dana).