Qazaqstanda temeki ónimderine aktsız mólsherlemeleri artady

NUR-SULTAN. QazAqparat – Qazaqstanda aktsızderdiń fıskaldyq qyzmeti kúsheıetin bolady. Bul týraly Parlament Májilisinde QR Ulttyq ekonomıka vıtse-mınıstri Mádı Tákıev málim etti, dep habarlaıdy QazAqparat tilshisi.

«Aktsızderdiń fıskaldyq qyzmeti kúsheıetin bolady. 2021 jyldan bastap syraǵa, qyzdyrylatyn temekisi bar buıymdarǵa jáne quramynda suıyqtyqtar bar nıkotınge aktsız mólsherlemeleri kezeń-kezeńimen ulǵaıtylatyn bolady», - dedi vıtse mınıstr salyq salýǵa qatysty zań jobasyn tanystyrý barysynda.

Munymen qosa M. Tákıev qymbat turatyn alkogol jáne temeki ónimderine aktsız mólsherlemeleri artatynyn atap ótti.

Budan buryn habarlanǵandaı, Parlament Májilisinde «Qazaqstan Respýblıkasynyń keıbir zańnamalyq aktilerine salyq salý jáne ınvestıtsııalyq ahýaldy jetildirý máseleleri boıynsha ózgerister men tolyqtyrýlar engizý týraly» zań jobasy tanystyryldy.

Qujat aıasynda jeke tulǵalardyń múlki men jerine salynatyn tólemderdi bir salyqqa biriktirý eskerilgen.

Munymen qosa, kólik quraldary salyǵyn tóleý merzimin aýystyrý usynyldy.