Qazaqstanda temeki 6,5 protsent qymbattaıdy

<p>ASTANA. KAZINFORM - 1 shildeden bastap eń arzan temeki 820 teńgeden satylady. Bul qazirgi baǵadan 50 teńgege qymbat. Buıryq Ashyq NQA portalynda jarııalanǵan.</p>

Qarjy mınıstrligi bundaı sharanyń turǵyndardyń densaýlyǵy úshin qolǵa alynǵanyn aıtady.

Sońǵy jarty jyldyń ózinde shylymnyń baǵasy 16 paıyzdan 18,8 paıyzǵa deıin ósken. Ulttyq statıstıka bıýrosynyń málimetinshe, bıylǵy jyldyń alǵashqy toqsanynda temeki men papırostyń baǵasy 53,4 paıyzǵa artqan.

Degenmen, elde temekige táýeldilerdiń sany azaıǵan joq. Byltyr papırostyń ishki naryqtaǵy kólemi 62 paıyzǵa kóbeıgen. Al bıylǵy jyldyń alǵashqy úsh aıynda qazaqstandyqtar shylymǵa 5,7 mıllıard teńge jumsaǵan.

Ulttyq statıstıka bıýrosy júrgizgen zertteýge sáıkes, 2023 jyly 29 ben 39 jastaǵy azamattardyń arasynda shylym shegetinder kóbeıgen.

Jalpy, elimizde árbir besinshi adam temeki tartady.