Qazaqstanda teleólsheý onlaın-servısi iske qosyldy

NUR-SULTAN. QazAqparat - Aqparat jáne qoǵamdyq damý mınıstrligi 2020 jyldan beri Qazaqstanda medıa ólsheýler júıesin damytý boıynsha jobany iske asyrý sheńberinde Qazaqstanda teleólsheýler protsesiniń ashyqtyǵyn qamtamasyz etýge baǵyttalǵan arnaıy onlaın-servısti iske qosty, dep habarlaıdy QazAqparat atalǵan vedomstvonyń baspasóz qyzmetine silteme jasap.

Servıs barlyq qyzyǵýshylyq tanytqan tulǵalarǵa negizgi qazaqstandyq telearnalaryn aýdıtorııalyq kórsetkishterimen tikeleı rejımde tanysýǵa múmkindik beredi.

Mınıstrliktiń saıtynda usynylǵan aýdıtorlyq kórsetkishter Qazaqstannyń 21 qalasyndaǵy 400 myńnan astam úı sharýashylyǵy boıynsha qalyptasady.

Qazirgi ýaqytta servıste telearnalar úlesi jóninde (taldanyp jatqan ýaqyt aralyǵynda kez kelgen taldanyp jatqan respýblıkalyq telearnany qaraǵan barlyq telekórermenderden paıyzdyq tulǵalaýdaǵy telearna kórermenderiniń sany), ár mınýt saıyn qamtý (mınýtyna bir ret bolsyn telearnany qaraǵan telekórermender sany) jáne telebaǵdarlamalardy qamtý (naqty bir telebaǵdarlamany qaraǵan biregeı telekórermender sany) kórsetkishteri qoljetimdi.

Servısti iske qosý telekórermenniń talabyna jedel túrde jaýap berýge múmkindik beredi, sondaı-aq qazaqstandyq teledıdar kontentiniń básekelestigin odan ári arttyrýǵa jol ashady dep kútilýde.