Qazaqstanda telefon nómirleri eGov arqyly berilýi múmkin

<p>ASTANA. KAZINFORM &ndash; Qazaqstanda telefon nómirlerin eGov arqyly berý týraly usynys bar. Osy oraıda alaıaqtyqtardyń áreketine tosqaýyl qoıý qadamdary tıimdi bolady. Bul týraly QR Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Orazbek málim etti.</p>

Búgin Májilistiń jalpy otyrysynda Ashat Raqymjanov Qazaqstan halqy málimetteriniń qupııalyǵyn saqtaý, alaıaqtardan qorǵaý máselesine qatysty suraq qoıdy.

Óz kezeginde A. Orazbek mınıstrlik SIM-kartalardy satýda tıisti shekteý engizý josparlanyp otyrǵanyn aıtty.

«Alaıaqtar negizinen WhatsApp jáne áleýmettik jeliler arqyly áreket etedi, al uıaly baılanys operatorlary WhatsApp-ty buǵattaı almaıdy. Qazirgi kezde operatorlar SIM-kartalar men nómirlerdi berip jatyr. Alaıda bolashaqta azamattar nómirlerdi Egov.kz portaly arqyly alady. Sonymen qatar, biz bir adamnyń qolynda bolatyn SIM-kartalardyń sanyn shekteımiz», - dedi vıtse-mınıstr.

Onyń aıtýynsha, zańdy tulǵalar jumys babynda paıdalanýǵa satyp alatyn SIM-kartalarǵa qatysty naqty derekterdi usynady. Sebebi qazir nómirler baqylaýsyz ótkizilip jatyr.

«Taıaýda mınıstrlik osyndaı zańnamalyq bastamalarmen Parlamentke keledi», - dedi Ashat Orazbek.

Budan buryn habarlanǵandaı, Qarjy naryǵyn retteý jáne damytý agenttiginiń tóraǵasy Mádına Ábilqasymova alaıaqtardyń tuzaǵyna túspeý úshin ne isteý kerek ekenin túsindirdi. 

Qazir alaıaqtar negizinen áleýmettik jeliler, messendjerler arqyly halyqty aldap jatyr.