Qazaqstanda tele-radıo habar taratý ýaqytsha toqtatylady

NUR-SULTAN. QazAqparat – Qazaqstanda tele, radıohabar taratý ýaqytsha toqtatylady, dep habarlaıdy QazAqparat «Qazteleradıoǵa» silteme jasap.

«2020 jyldyń 19 tamyzynda saǵat 03:00 men 17:00 aralyǵynda jerseriktik, tsıfrlyq jáne analogty efırlik jelilerdiń tehnıkalyq quraldaryndaǵy servıster jabylyp, josparly-profılaktıkalyq jumystar júrgiziledi. Osyǵan baılanysty, Qazaqstannyń barlyq aýmaǵynda teleradıoarnalardy retranslıatsııalaý ýaqytsha toqtatylady», - delingen taratylǵan habarlamada.

«Qazteleradıo» AQ toqsan saıyn jerseriktik jáne efırlik jelilerdiń tehnıkalyq quraldarynda servısterdi jaba otyryp, josparly-profılaktıkalyq jumystar júrgizedi. Bul jumystar teleradıo habarlaryn sapaly taratýdy qamtamasyz etý úshin qajet, al toqsan saıynǵy josparly-profılaktıkalyq jumystar servısti uzaq ýaqyt óshirýge múmkindik beredi, sondyqtan osy ýaqyt ishinde tehnıkalyq quraldardy jańǵyrtý boıynsha qosymsha jumystar da júzege asyrylady.