Qazaqstanda «TDJUA» kómegimen mashına jasaýdyń 28 jańa ónim ataýynyń óndirisi retke keltirildi
dep habarlady primeminister.kz agenttiktiń baspasóz qyzmetine silteme jasap.
«Mashına qurastyratyn kásiporyndar salalyq konstrýktorlyq bıýro kómegimen 28 jańa ónim ataýynyń óndirisi retke keltirilgen, onyń ishinde, topyraq óńdeıtin agregat, vagondarǵa arnalǵan esikter, krandar, tez ajyraıtyn qosylystar jáne taǵy basqa ataýlar»,- delingen «TDJUA» AQ habarlamasynda.
2012 jyly osy kásiporyndarda, sonymen qatar, mashına qurastyrý kásiporyndaryna arnalǵan jańa buıymdarǵa konstrýktorlyq-tehnologııalyq jáne normatıvtik-tehnıkalyq qujattamanyń 225 komplekti jasalǵan.
Sonymen qatar, SKB-da 3D-skanerleý boıynsha quziretti órkendetý, qazirgi túptulǵalaý kesheni arqyly 3D-prıntıng qoldaný arqyly modeldeý jáne jobalaý órkendetilgeni atap ótildi.
«Búgingi tańda qurylǵan SKB elimizdegi 3D-tehnologııalardy paıdalanatyn jáne otandyq mashına qurastyrý kásiporyndaryna sapaly qyzmet kórsetetin eń myqty ınjener-konstrýktorlar ujymdarynyń birine ıe», - delingen habarlamada.
Aıta ketý kerek, SKB tórt baǵytta jumys jasaıdy: kóliktik, aýyl sharýashylyq mashınasyn qurastyrý, taý-ken jáne munaı-gaz jabdyqtary.
Sonymen qatar, agenttik qarjylyq jáne atqarý tártibin kúsheıtý, úderisterdi ońtaılandyrý, enshiles uıymdar úshin biryńǵaı qyzmet úlgisin jasaý, jobalardy saraptaý jáne monıtorıngileý boıynsha jumystaryn jalǵastyrady, bul jaǵdaıdy aıtarlyqtaı jaqsartýǵa kómektesedi.
Osylaısha, 2012 jyldyń qorytyndysy boıynsha kompanııanyń taza tabysy shamamen 200 mln teńgeni quraıdy (ınvestıtsııanyń aǵymdaǵy qunyn baǵalaýdy eseptemegende).
Esterińizge sala keteıik, «Tehnologııalyq damý jónindegi ulttyq agenttik» aktsıonerlik qoǵam («TDJUA» AQ) - bul tehnologııalyq damý salasyndaǵy ulttyq ınstıtýt. Agenttik memlekettiń jarǵy kapıtalyna júz paıyz qatysýymen qurylǵan jáne «Ulttyq ınnovatsııalyq qor» AQ-nyń quqyqtyq murageri bolyp tabylady. Agenttik ınnovatsııalyq damýdyń úderisterin úılestirýdi qamtamasyz etýge kómektesý úshin jáne memlekettik qoldaý sharalaryn usyný úshin qurylǵan.
Jalpy alǵanda agenttiktiń paıda bolýynan bastap 2010-2012 jyldary 400-den astam ınnovatsııalyq jobaǵa qoldaý kórsetilgen, onyń ishinde 138 ınnovatsııalyq grant berilgen, tehnologııalyq bıznes-ınkýbatsııalaý jáne basqa da baǵdarlama aıasynda 96 start-ap jobaǵa qoldaý kórsetilgen.