Qazaqstanda taýly aımaq turǵyndaryna eskertý jasaldy

NUR-SULTAN. QazAqparat – Elimizdiń taýly aımaǵyn mekendeıtin turǵyndar úshin tótenshe jaǵdaılar mınıstri eskertý jasady, dep habarlaıdy QazAqparat tilshisi.

«Sońǵy ýaqytta elimiz boıynsha taýly aımaqtarda qalyń qardyń jaýýy baıqalady. Atap aıtqanda, Túrkistan, Jambyl jáne Almaty oblysyna qatysty. Atalǵan óńirlerde qar kóshkini bolýy múmkin. Sondyqtan turǵyndarǵa saq bolý kerektigin aldyn ala eskertemiz. Osy oraıda taýly aımaq turǵyndaryn demalys kúnderi taýǵa sapardan ýaqytsha bas tartaýyn suraımyz», - dedi QR Tótenshe jaǵdaılar mınıstri ıÝrıı Ilın OKQ-de ótken baspasóz máslıhatynda.

Mınıstrdiń aıtýynsha, taýly aımaq turǵyndary úshin jergilikti organ tarapynan ýaqytyly habar jetkiziledi.

Odan bólek, ıÝ. Ilın sý tasqynynyń aldyn alý maqsatynda kórshi eldermen birlesken jumystyń qolǵa alynǵanyn aıtty.

«Reseı, Ózbekstan jáne Qyrǵyzstan elimen shekaralas ózenderdegi sý tasqyny jaǵdaıy týraly derektermen ózara almasý máselesi qaraldy. Jalpy el óńirlerindegi sý tasqynyna daıyndyq máselesi tótenshe jaǵdaılardyń aldyn alý jáne joıý jónindegi vedomstvoaralyq komıssııa men Úkimet otyrystarynda qaraldy», - deıdi ol.

Buǵan deıin tótenshe jaǵdaılar mınıstri qarly burqasyn kezinde 1453 adam qutqarylǵanyn, onyń 199-y – bala ekenin habarlady.