Qazaqstanda Táýelsizdik esimdi bir adam, al Egemen atty 21 adam turyp jatyr
18:53, 15 Jeltoqsan 2022
ASTANA. QazAqparat - Ulttyq statıstıka bıýrosy Táýelsizdik kúnine oraılastyryp qoıylǵan esimder jaıly málimet jarııalady, dep habarlaıdy QazAqparat.
Oǵan sáıkes, azan shaqyryp qoıǵan Táýelsizdik atty bir adam bolsa, Egemen esimi 21 adamǵa qoıylǵan.
Sondaı-aq elimizde 14 065 Azat, 3 913 Erkin jáne 23 Bostandyq bar.
El aýmaǵynda siz sııaqty qansha adam baryn myna siltemede teksere alasyz.
Eske sala keteıik, 16 jeltoqsan - Qazaqstan táýelsizdigin alǵan kún. Osydan 31 jyl buryn 16 jeltoqsanda «Qazaqstan Respýblıkasynyń Memlekettik táýelsizdigi týraly» Konstıtýtsııalyq Zań qabyldanǵan edi.