Qazaqstanda Tarıftik saıasat jónindegi keńes jumysyn bastaıdy

ASTANA. QazAqparat - Qazaqstanda Tarıftik saıasat jónindegi keńes qurylady. Bul týraly Májiliste «Tabıǵı monopolııalar týraly» zań jobasyn tanystyrý barysynda Ulttyq ekonomıka vıtse-mınıstri Serik Jumanǵarın aıtty, dep habarlaıdy QazAqparat.

«Tarıftiń qalyptasýynyń ashyqtyǵyna qatysty ókiletti organǵa narazylyqtar az emes. Endi jańa qurylym engizilýde, ıaǵnı Tarıftik saıasat jónindegi keńes bolmaq. Osy oraıda atalǵan Keńestiń tarıftik retteý ádisin aıqyndaý boıynsha usynystar jasaıtyny, tabıǵı monopolııalar sýbektileriniń ınvestıtsııalyq baǵdarlamalar jobalaryn talqylaıtyndyǵy qarastyrylǵan. Sonymen qatar qoldanystaǵy baǵdarlamalarǵa ózgerister engizýge qatysty usynystardy jasap, tarıftik smetalar men ınvestıtsııalyq baǵdarlamalardyń oryndalýy boıynsha esepterdi tyńdaıdy», - dedi Jumanǵarın.

Onyń sózine qaraǵanda, Tarıftik saıasat jónindegi keńestiń quramyna Parlament depýtattary, UKP pen qoǵamdyq uıymdar ókilderi, táýelsiz sarapshylar kiredi.