Qazaqstanda taǵy 11 joldyń qurylysy bastalady
«Aǵymdaǵy jylda biz taǵy tórt joldyń qurylysyn bastaımyz. Olar - Beıneý-Aqjigit, Şýchınsk-Zerendi, Taskesen-Baqty jáne Úsharal-Dostyq. Budan bólek, xalyqaralyq qarjy ınstıtýttarynyń qarjysyna jeti jobany bastaýdy josparlap otyrmyz. Zaemnyń jalpy kólemi - 1,8 mln dollar. Atalǵan joldardyń jalpy uzyndyǵy - 1422 shaqyrym. Máselen, Azııa Damý bankiniń esebinen Qandyǵash-Maqat pen Jetibaı-Jańaózen, Dúnıejúzi bankiniń aqshasyna Qurty-Býrylbaıtal, Uzynaǵash-Otar men Balqash-Býrylbaıtal, al Islam damý bankiniń qarjysyna Aqtóbe-Qandyaǵash pen Atyraý-Astraxan joldarynda tıisti jumystar bastalady», - dedi Pishembaev búgin Astanada ótken baspasóz máslıxatynda.
Komıtet basshysynyń aıtýynsha, aǵymdaǵy jyly Ortalyq-Ońtústik, Ortalyq-Shyǵys, Beıneý-Aqtaý, Aqtóbe-Atyraý, Qapshaǵaı-Taldyqorǵan, Astana-Petropavlovsk pen Oral-Kamenka joldarynyń qurylysy jalǵasýda. Ol úshin 356,2 mlrd teńge bólindi. Jyldyń aıaǵyna deıin barlyǵyn qosqanda, 600 shaqyrym joldyń jumystaryn aıaqtaý josparlanyp otyr. «Beıneý-Aqtaý men Almaty-Taldyqorǵan tolyǵymen aıaqtalady», - dep atap kórsetti Pishembaev.