Qazaqstanda tabıǵı gazǵa baǵa belgileý qaǵıdalary bekitildi
Qazaqstan Respýblıkasy Úkimetiniń qaýlysy
2015 jylǵy 12 qarasha №892 Astana, Úkimet Úıi
Tabıǵı gazǵa baǵa belgileý qaǵıdalaryn (ádistemesin) bekitý týraly
«Transferttik baǵa belgileý týraly» 2008 jylǵy 5 shildedegi Qazaqstan Respýblıkasy Zańynyń 10-baby 10-tarmaǵynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Tabıǵı gazǵa baǵa belgileý qaǵıdalary (ádistemesi) bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSІMOV
Qazaqstan Respýblıkasy Úkimetiniń 2015 jylǵy 12 qarashadaǵy №892 qaýlysymen bekitilgen
Tabıǵı gazǵa baǵa belgileý qaǵıdalary (ádistemesi) 1. Jalpy erejeler 1. Osy Tabıǵı gazǵa baǵa belgileý qaǵıdalary (ádistemesi) (budan ári - Qaǵıdalar) «Transferttik baǵa belgileý týraly» 2008 jylǵy 5 shildedegi Qazaqstan Respýblıkasynyń Zańyna (budan ári - Zań) sáıkes ázirlendi jáne gazben ózara almasý jónindegi mámilelerdi qospaǵanda, transferttik baǵa belgileý kezinde baqylaýǵa alynatyn, tabıǵı gazdy satyp alý-satý kelisimsharttaryna sáıkes jasalatyn barlyq mámileler boıynsha tabıǵı gazdy ótkizý baǵasyn aıqyndaý (esepteý) tártibin belgileıdi. 2. Osy Qaǵıdalarda mynadaı termınder men anyqtamalar paıdalanylady: 1) uzaq merzimdi kelisimshart - 2001 jylǵy 28 qarashadaǵy Qazaqstan Respýblıkasynyń Úkimeti men Reseı Federatsııasynyń Úkimeti arasyndaǵy gaz salasyndaǵy yntymaqtastyq týraly jáne 2006 jylǵy 3 qazandaǵy Orynbor gaz óńdeý zaýytynyń bazasynda sharýashylyq qoǵam qurýdaǵy yntymaqtastyq týraly kelisimder sheńberinde jasasatyn tabıǵı gazdy satyp alý-satýǵa arnalǵan kelisimshart; 2) mámile baǵasy - osy Qaǵıdalardyń erejelerine sáıkes eseptelgen jáne Amerıka Qurama Shtattarynyń (budan ári - AQSh) dollarymen berilgen tabıǵı gazdy ótkizý baǵasy; 3) aqparat kózderinen alynǵan baǵa - The MsGraw-Hill Companies (Platts) baspasynyń European Marcet Scan Basic Service basylymynda European products, FOB Med (Italy) degen taqyryppen jarııalanatyn, AQSh dollarymen berilgen baǵa. 2.Tabıǵı gazǵa mámile (ótkizý) baǵasyn aıqyndaý tártibi 3. Tabıǵı gazdy satyp alý-satýdyń kelisimsharttary úshin mámile (ótkizý) baǵasy tómendegi formýla boıynsha esepteledi:
mundaǵy: Rn - tabıǵı gazǵa arnalǵan mámile baǵasy; R0 - uzaq merzimdi kelisimshartty jasasý kúnine aıqyndalatyn tabıǵı gazǵa arnalǵan bazalyq baǵa; G - gazoılǵa (0,1 %) arnalǵan aqparat kózderinen alynǵan baǵa; G0 -- uzaq merzimdi kelisimshartta aıqyndalatyn gazoılǵa (0,1 %) arnalǵan bazalyq baǵa; LSǴO - quramynda kúkirt mólsheri tómen (0,1 %) mazýtqa arnalǵan aqparat kózderinen alynǵan baǵa; LSǴO0 - uzaq merzimdi kelisimshartta aıqyndalatyn quramynda kúkirt mólsheri tómen mazýtqa (1 %) arnalǵan bazalyq baǵa; NSǴO - quramynda kúkirt mólsheri joǵary (3,5 %) mazýtqa arnalǵan aqparat kózderinen alynǵan baǵa; NSǴO0 - uzaq merzimdi kelisimshartta aıqyndalatyn quramynda kúkirt mólsheri joǵary mazýtqa (3,5 %) arnalǵan bazalyq baǵa; D - tabıǵı gazdy satyp alý-satý kelisimshartynda aıqyndalǵan tabıǵı gazdy jetkizý sharttaryna baılanysty eskeriletin, Qazaqstan Respýblıkasynyń transferttik baǵa belgileý týraly zańnamasyna sáıkes tabıǵı gazǵa arnalǵan bazalyq baǵany salystyrmaly ekonomıkalyq sharttarǵa keltirý úshin qoldanylatyn jáne osy Qaǵıdalardyń 5 jáne 6-tarmaqtarynyń erejeleri eskerilip aıqyndalatyn dıfferentsıal. G, LSǴO jáne NSǴO shamalary tikeleı 1 qańtar, 1 sáýir, 1 shilde nemese 1 qazan aldyndaǵy 9 aı ishinde árbir aı úshin aqparat kózinen alynǵan baǵanyń ortasha arıfmetıkalyq máni bolyp tabylady. Baǵa (Rn) aýytqýynyń joǵary jáne tómengi shegi R0-dan plıýs nemese mınýs 12,5 %-dy quraıdy. 4. Osy Qaǵıdalardyń erejeleri transferttik baǵa belgileý kezinde baqylaýǵa alynatyn, gazben ózara almasý boıynsha mámilelerdi qospaǵanda, tabıǵı gazdy satyp alý-satý kelisimshartyna sáıkes jasasatyn, uzaq merzimdi kelisimshart jasasý kúninen bastap týyndaıtyn barlyq mámilelerge qoldanylady. 5. Bazalyq baǵany salystyrmaly ekonomıkalyq sharttarǵa keltirý maqsatynda tabıǵı gazdy jetkizý sharttaryna baılanysty dıfferentsıalǵa tabıǵı gazdy jetkizý bazısine jáne ony ótkizýge deıin tabıǵı gazdy tasymaldaý jónindegi qujat túrinde jáne (nemese) aqparat kózderine negizdelgen jáne rastalǵan shyǵystar engiziledi. 6. Dıfferentsıaldyń quramdas bólikteri tabıǵı gazdy jetkizý bazısine deıin taýardy jetkizýge jáne ony ótkizýge baılanysty bastapqy qujattarmen jáne (nemese) Zańnyń 18-babynda belgilengen kezektilik boıynsha aqparat kózderimen rastalady.