Qazaqstanda sybaılas jemqorlyqqa qarsy is-qımyl taqyrybyna marka shyqty
QR Sybaılas jemqorlyqqa qarsy qyzmeti — taqyryptyq marka shyǵarǵan alǵashqy quqyq qorǵaý organy.
Marka dızaınyna quqyq qorǵaý organynyń kommýnıkatıvti logotıpi negizge alynǵan. Markada Agenttiktiń «Ádildik. Parasattylyq. Senim» qundylyqtary jazylǵan. Bul qundylyqtar logotıpte qoldanylǵan tústerde de berilgen: aspan tústes – ádildikti, kemeldikke, jańarýǵa umtylýdy; kók tús – senim men qaýipsizdikti beıneleıdi.
Poshta markasyna estelik belgi soǵý saltanaty Agenttik Tóraǵasy Alık Shpekbaev pen «Qazposhta» AQ Basqarma Tóraǵasy Sáken Sársenovtiń qatysýymen ótti.
Sybaılas jemqorlyqqa qarsy qyzmet basshysy óz sózinde sharanyń mańyzdylyǵyn atap ótti.
«Jemqorlyqpen kúres ózgeriske ushyrady. Burynǵy qorqynyshty, jazalaý sharalaryna berilgen basymdyq endi quqyq buzýshylyqtardyń aldyn alýǵa aýysty. Condyqtan, agenttik qylmystyq-quqyqtyq sharalarmen qosa, jemqorlyqty qabyldamaý ıdeıasyn nasıhattaýǵa, aqparattandyrýǵa, sonymen qatar azamattyq qoǵamdy keńinen jumyldyrýǵa kúsh salýda. Markany shyǵarý – osy joldaǵy qadamnyń biri», - dedi Alık Shpekbaev.
Ulttyq poshta operatorynyń basshysy Sáken Sársenov: ««Marka shyǵarý - Qazaqstan aýmaǵynda sybaılas jemqorlyqqa tózbeý ıdeıasyn taratýǵa jáne sybaılas jemqorlyq kórinisterine jol bermeý týraly Elbasy men Memleket basshysynyń ustanymyn saqtaýǵa múmkindik beretin oqıǵa bolady dep úmittenemiz», - dep atap ótti.
Marka 2020 jyldyń 24 maýsymynan bastap aınalymǵa enedi. Baǵasy – 200 teńge. Taralymy – 10 000 dana. Markany «Memleket saıasaty» serııasymen Qazaqstan Respýblıkasynyń Tsıfrlyq damý, ınnovatsııalar jáne aeroǵarysh ónerkásibi mınıstrligi shyǵardy. Avtor jáne grafıkalyq dızaıner — D.So, tehnıkalyq dızaın — І.Ońǵarbaıdiki.