Qazaqstanda suıytylǵan gazdy shyǵarýǵa shekteý jarty jylǵa uzartyldy

<p>ASTANA. KAZINFORM &ndash; Energetıka mınıstri Almasadam Sátqalıev 2024 jylǵy 8 qarashada &laquo;suıytylǵan munaı gazyn tasymaldaýdyń keıbir máseleleri týraly&raquo; buıryqqa qol qoıdy.&nbsp;</p>

«Qazaqstan Respýblıkasynyń aýmaǵynan 6 aı merzimge avtomobıl jáne temirjol kóligimen suıytylǵan munaı gazyn, propan men býtandy áketýge tyıym salý engizilsin», - delingen buıryq mátininde. 

Tyıym qoldanylmaıtyn jaǵdaılar: 

- ónimdi bólý týraly kelisim (kelisimshart) nemese Salyq kodeksiniń 722-babynyń 1-tarmaǵyna sáıkes salyq rejıminiń turaqtylyǵyna ıe QR Prezıdenti bekitken jer qoınaýyn paıdalanýǵa arnalǵan kelisimshart sheńberinde óndiristi júzege asyrǵan jer qoınaýyn paıdalanýshylardyń áketýi; 

- Qarashyǵanaq ken ornynda óndirilgen qazaqstandyq shıkizattan óndirilgen (qaıta óńdelgen) taýarlardy Qazaqstan Respýblıkasynyń halyqaralyq sharttary negizinde áketý;

- Qazaqstan Respýblıkasynyń sheginen tys bastalatyn jáne aıaqtalatyn orny aýystyrylatyn tranzıttik tasymaldar;

- Qazaqstan Respýblıkasy Úkimetiniń sheshimi boıynsha gýmanıtarlyq kómek sheńberinde áketiledi.

Buıryq 2024 jylǵy 14 qarashadan bastap kúshine enedi. 

Eske sala ketsek, bıyl 1 shildeden bastap Qazaqstanda suıytylǵan gaz baǵasy ósti.