Qazaqstanda sý únemdeıtin júıege beriletin sýbsıdııa 30%-ǵa ulǵaıdy

<p>ASTANA. KAZINFORM &mdash; Elimizde sharýalarǵa sý únemdeıtin júıelerdi satyp alý jáne ornatý úshin beriletin sýbsıdııa kólemi 50%-dan 80%-ǵa deıin jetti. Bul zamanaýı sýarý júıecin satyp alý, sondaı-aq barlyq qajetti ınfraqurylymdy qamtamasyz etý shyǵynyn óteýge kómektesedi.</p>

Sý resýrstary jáne ırrıgatsııa mınıstrligi Aýyl sharýashylyǵy mınıstrligimen sýbsıdııa kólemin ulǵaıtý boıynsha birlese jumys atqardy.

Aıta ketý kerek, aýyl sharýashylyǵy — elimizdegi sý qoryn eń kóp tutynatyn sala.

El aýmaǵynda jınaqtalatyn jalpy sý qorynyń 60%-y nemese táýligine 40 myń tonnadan astam sý aýyl sharýashylyǵy qajettilikteri úshin jumsalady.

Mınıstrlik osyǵan deıin de sharýalardy sýdy únemdeýge jáne ony tıimdi paıdalanýǵa yntalandyrý úshin birqatar is-sharalar qabyldady.

Atap aıtqanda, jańa Sý kodeksinde sý únemdeý tehnologııalaryn engizý dárejesine qaraı sýbsıdııa jáne sý berý qyzmetteri úshin tómendetilgen tarıfter túrindegi memlekettik qoldaý is-sharalary kózdelgen.

Sondaı-aq, sýarmaly sý tarıfin ósiriletin daqyldardyń túrine jáne olar tutynatyn sý kólemine qaraı esepteý usynylyp otyr.

Budan bólek, elimizde uńǵymalardy burǵylaý shyǵynyn sýbsıdııalaý kólemi de 80%-ǵa deıin ulǵaıdy.

«Sýbsıdııa kólemin ulǵaıtý Úkimet taparynan sharýalar úshin jasalǵan úlken qoldaý ári jaqsy múmkindik. Bizdiń mınıstrlik elimiz boıynsha sýdy tıimdi paıdalaný tehnologııalaryn qarqyndy engizýdi josparlap otyr. Memleket basshysynyń tapsyrmalaryn iske asyrý úshin 2030 jyldyń sońyna deıin kezeńdik jospar jasalyp, ár óńirge sý únemdeý júıeleri ornatylǵan egis alqaptaryn ulǵaıtý boıynsha naqty ındıkatorlar berildi. Osylaısha, 2030 jyldyń sońyna qaraı respýblıkadaǵy sýarmaly jerlerdiń jalpy kóleminiń 50%-dan astamyn sý únemdeý tehnologııalarymen qamtý arqyly jylyna 2,1 tekshe shaqyrymǵa deıin sý únemdeý josparlanyp otyr», — dedi Sý resýrstary jáne ırrıgatsııa mınıstri Nurjan Nurjigitov.