Qazaqstanda sút bezi isigi órship tur

<p>ALMATY. KAZINFORM -&nbsp; Qazaqstanda sút bezi qaterli isigine shaldyqqan áıelderdiń sany artty. 2023 jyly 5500 jańa jaǵdaı anyqtaldy. Bul týraly &laquo;OnkoRenessans-2024&raquo; medıtsınalyq onkologtardyń birinshi halyqaralyq ǵylymı-praktıkalyq mektebi aıasynda ótken baspasóz máslıhatynda Qazaq onkologııa jáne radıologııa ǵylymı-zertteý ınstıtýtynyń basshysy Dılıara Qaıdarova aıtty.</p>

Spıkerdiń sózinshe, 2023 jyldyń qorytyndysy boıynsha 218 myńnan astam qazaqstandyq onkologııalyq esepte tur.

«Byltyr 41 515 qazaqstandyqqa túrli qaterli isik dıagnozy qoıyldy. Onyń 5500-i sút bezi obyry. 2023 jyldyń qorytyndysy boıynsha 218 213 myń adam onkologııalyq esepte tur. Bir jyl ishinde 13 myńǵa jýyq turǵyn osy dertten qaıtys boldy»,- deıdi Dılıara Qaıdarova.

Elde eń kóp taralǵan túrlerine sút bezi obyry, kolorektaldy qaterli isik, jatyr moıny obyry, asqazan qaterli isigi men ókpe obyry jatady. 

Foto: Alma Muqanova/Kazinform

«Onkologııalyq aýrý jyldan-jylǵa jasaryp barady. Buryn asqazan, uıqy beziniń qaterli isigi 60 jastan asqan adamdardan anyqtalsa, qazir bul dert jastar arasynda jıi kezdese bastady. Bizdiń mindetimiz – halyqty emdeý jáne erte dıagnostıka múmkindikteri týraly aqparattandyrý. Qazir saqtandyrylmaǵan azamattar da tekserý kabınetterinen tegin óte alady. Bizde «jasyl dáliz» bar, qaterli isikke kúdikti naýqastar barlyq qymbat tekserýlerden tegin ótedi. Eń bastysy emhanaǵa kelip tirkelý kerek», - dep túsindirdi Qazaqstannyń bas onkology.