Qazaqstanda suranysqa ıe TOP-25 mamandyq tizimi jarııalandy

ASTANA. QazAqparat - Elimizdegi eń qajet degen mamandyqtar tizimine orta mektep muǵalimderi, býhgalterler, kúzetshiler, ınkassatorlar jáne soǵan baılanysty kásipter, dúken satýshylary jáne olardyń kómekshiler kirdi. Bul týraly QazAqparat «Eńbek resýrstaryn damytý ortalyǵyna» silteme jasap habarlaıdy.

1. Býhgalterler – 92 myń adam;

2. Kúzetshiler, ınkassatorlar jáne soǵan baılanysty kásipter – 77,8 myń adam;

3. Dúken satýshylary men olardyń kómekshileri – 70,2 myń adam;

4. Áleýmettik ǵylymdar boıynsha orta mektep muǵalimderi – 45,2 myń adam;

5. Avtokólik júrgizýshileri men shopyrlar – 45,1 myń adam;

6. Kútim boıynsha ortasha medıtsınalyq personal – 40 myń adam;

7. Jaratylystaný ǵylymdary boıynsha orta mektep muǵalimderi – 37,9 myń adam;

8. Mektepke deıingi bilim beretin tárbıeshiler – 36,1 myń adam;

9. Qonaqúıler men osyǵan uqsas mekemelerdegi tazalaýshylar men qyzmetshiler – 34,6 myń adam;

10. Bastaýysh synyp muǵalimderi – 32,3 myń adam;

11. Keńselerdegi tazalaýshylar – 25,3 myń adam;

12. Shashtarazdar – 24,6 myń adam;

13. Orta mektep muǵalimderi – 23,2 myń adam;

14. Keńse qyzmetkerleri (jalpy beıini) – 22,1 myń adam;

15. Kósheler men bazarlardaǵy saýdagerler – 21,7 myń adam;

16. Ǵımarattardy qaraýshylar jáne kúzetshiler – 20,6 myń adam;

17. Aspazdar – 20,5 myń adam;

18. Basqa biliktiligi joq jumysshylar – 20,2 myń adam;

19. Aralas ónim óndiretin fermerler men jumysshylar – 19,8 myń adam;

20. Dástúrli tásilmen kókónis ósiretin fermerler men jumysshylar – 19,6 myń adam;

21. Júk kóliginiń júrgizýshileri – 17,8 myń adam;

22. Aýyl sharýashylyǵy ónimderin óndirýde biliktiligi joq jumysshylar – 16,6 myń adam;

23. Aýla sypyrýshylar jáne ashyq aýmaqtardy tazalaýshylar – 16,5 myń adam;

24. Jyljymaıtyn múlikpen jáne basqa da múlikpen operatsııalar jónindegi agentter – 16,2 myń adam;

25. Shtattaǵy zańgerler – 15,2 myń adam.

«Eger jıyntyq kórsetkishke qarasaq, bilim berý salasyndaǵy kásibı mamandar – barlyq qajettiliktiń 12,5%, jyljymaly jabdyqtyń júrgizýshileri men operatorlary – 8,2%, bıznes jáne ákimshilendirý salasyndaǵy kásibı mamandar – 6,8%, azamattar men menshikti qorǵaýdy júzege asyratyn qyzmetterdiń qyzmetkerleri – 5,3%, tazalaýshylar men qyzmetshiler – 5,1% suranysqa kóp ıe bolatynyn atap ótýge bolady», – dedi «Eńbek resýrstaryn damytý ortalyǵy» Boljaý departamenti dırektorynyń orynbasary Qaıyrbek Aıashev.