Qazaqstanda sýdy ysyrap etkenderge aıyppuldy bes ese arttyrmaq

<p>ASTANA. KAZINFORM &ndash; Májilis depýtattary Sý resýrstary jáne ırrıgatsııa mınıstrligimen sý qatynastary sýbektileriniń sý resýrstaryn qorǵaý jáne paıdalaný salasyndaǵy quqyq buzýshylyqtar úshin jaýapkershiligin arttyrý maqsatynda &laquo;Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly&raquo; zań jobasyn ázirledi.</p>

Zań jobasy sý qatynastary sýbektileriniń sý qorǵaý aımaqtary men beldeýlerinde sý paıdalanýdyń jáne sharýashylyq qyzmettiń belgilengen rejımin saqtaý, Sý sharýashylyǵy jáne gıdrotehnıkalyq qurylystardy qaýipsiz paıdalanýdy qamtamasyz etý jónindegi sý zańnamasynyń talaptaryn buzǵany úshin jaýapkershiligin qatańdatýdy kózdeıdi.

Sý obektilerin qoldanýǵa arnalǵan tyıym belgilerin joıǵany úshin aıyppul artady:

- jeke tulǵalar úshin 5-ten 50 AEK-ke deıin;

- laýazymdy tulǵalar men shaǵyn kásipkerlik sýbektilerinen nemese kommertsııalyq emes uıymdarǵa 30-dan 300 AEK-ke deıin;

- orta kásipkerlik sýbektileri úshin 70-ten 700 AEK-ke deıin;

- iri kásipkerlik sýbektileri úshin 100-den 1000 AEK-ke deıin.

Eske sala keteıik, elimizde AEK (aılyq eseptik kórsetkish) kólemi 3 692 teńge.

Sonymen qatar sý obektilerin zańsyz ıelengeni úshin aıyppul kólemi ósedi:

- jeke tulǵalar úshin 30 dan 150 AEK deıin;

- laýazymdy tulǵalar, shaǵyn kásipkerlik sýbektilerinen nemese kommertsııalyq emes uıymdar úshin 40-tan 200 AEK-ke deıin;

- orta kásipkerlik sýbektileri úshin 60-tan 300 AEK-ke deıin;

- iri kásipkerlik sýbektileri úshin 260 - tan 1300 AEK-ke deıin.

Odan bólek, sýdy maqsatsyz paıdalanǵany úshin aıyppul artady:

- jeke tulǵalar úshin 10-nan 50 AEK-ke deıin;

- laýazymdy tulǵalar úshin, shaǵyn kásipkerlik sýbektilerinen nemese kommertsııalyq emes uıymdar úshin 20-dan 100 AEK-ke deıin;

- orta kásipkerlik sýbektileri úshin 30-dan 150 AEK-ke deıin;

- iri kásipkerlik sýbektileri úshin 170 - ten 850 AEK-ke deıin.

Joba «Ashyq NQA» portalynda 22 tamyzǵa deıin jurtshylyqtyń talqysyna usynylyp otyr.