Qazaqstanda sýdıa bolý qıyndaıdy - sarapshy

ASTANA. QazAqparat - Memleket basshysy Nursultan Nazarbaevtyń «Ult jospary - qazaqstandyq armanǵa bastaıtyn jol» maqalasynda atap ótilgen sot júıesindegi jańa reformalar sýdıalarǵa qatysty talaptardy kúsheıtedi. Bul týraly búgin Ortalyq kommýnıkatsııalar qyzmetindegi baspasóz máslıhatynda Qazaqstannyń Azamattyq Alıansy menedjeri, «Eýrazııalyq sarapshylyq keńesi» qoǵamdyq qorynyń prezıdenti Shyńǵys Lepsibaev málim etti.

Ult josparyndaǵy qadamdarda sot tórelegi máselesine mán berilgenine toqtalǵan ol, «Negizgileriniń biri sýdıalardy irikteý úderisin jetildirýge baılanysty. ıAǵnı, Qazaqstanda sýdıa bolýy aıtarlyqtaı qıyndaı túsedi. Bul - óte mańyzdy»,-dedi.
Sonymen qatar, sarapshy irikteý sharalarynyń qatańdaýy sýdıalardyń róli men olardyń áleýmettik qamtamasyz etilýin arttyratynyn sóz etti.
«Sýdıa zeınetke shyqqan kezde aǵymdaǵy jalaqysynan 65 paıyzyn alatyn bolady. Bul óz kezeginde birinshiden, sýdıalyq korpýs arasynda olardyń turaqtamaýyn tómendetip, ekinshiden, osy qyzmetke degen qyzyǵýshylyq artady»,-deıdi Sh. Lepsibaev.
Munymen qosa, «Sot jıýrıi» degen túsinik engiziledi jáne olar barlyq daýly máselelerdi qarastyratyn bolady, sonyń ishinde sýdıalar qyzmeti boıynsha máseleni qamtıdy. Osy oraıda Qazaqstan azamattaryna Joǵarǵy Sotqa jolyǵý aıtarlyqtaı jeńildeıdi.
«Qazirgi kezde Joǵarǵy Sotqa júginý óte kúrdeli ári úlken problema. Bul turǵyda osy problema sheshiletin bolady»,-dedi ol.