Qazaqstanda sýbsıdııaǵa onlaın ótinim qabyldaıtyn portal iske qosyldy

ASTANA. QazAqparat - Qazaqstanda «AÓK sýbsıdııalaýdyń biryńǵaı memlekettik aqparattyq júıesi» tolyq kólemde iske qosyldy. Barlyq tehnıkalyq nıýanstar retke keltirilgen jáne portal aýyl sharýashylyǵy taýaryn óndirýshilerdiń ótinimderin qabyldaýǵa daıyn, dep habarlaıdy QazAqparat Aýyl sharýashylyǵy mınıstrligine silteme jasap.

SBMAJ sýbsıdııalaýǵa ótinimderdi resimdeý kezinde fermerler úshin balama retinde ázirlendi.

Ótinim berý, sýbsıdııany óńdeý jáne alý gosagro.kz veb-portalynda júzege asady.

Júıe tolyǵymen avtomattandyrylǵan jáne aqysyz negizde qyzmet kórsetýge múmkindik beredi.

SBMAJ arqasynda fermerlerdiń sýbsıdııalardy alýdyń oryndylyǵyn rastaý úshin qosymsha anyqtamalar usyný qajettiligi joıylady.

Óıtkeni talap etiletin aqparat basqa memlekettik aqparattyq júıemen, sonyń ishinde jer ýchaskeleri, aýyl sharýashylyǵy janýarlary, tehnıka jáne arnaıy kólik jónindegi derektermen, kooperatıv músheleri týraly málimettermen, sondaı-aq «alqaptar kartasymen» biriktirilgen.

Investıtsııalyq sýbsıdııa bóliginde qurylysta memlekettik saraptama júrgizý týraly derekterdi alý úshin «E-JSQ» aqparattyq júıesimen ıntegratsııalaý jumysy bastaldy.

Sýbsıdııalaýdyń biryńǵaı aqparattyq júıesi bıýdjettiń bolýyna qaramastan ótinimge rettik nómir bere otyryp, «kútý paraǵy» qaǵıdaty boıynsha jumys isteıdi.

Bıýdjet fermerdiń tarapynan qosymsha árketsiz «kútý paraǵynda» ótinimderdiń kezektiligi boıynsha ǵana bólinetin bolady.

Bul tásil qarajatty bólýdiń ashyqtyǵyn qamtamasyz etedi jáne sýbsıdııa tóleý kezinde adamı faktordy boldyrmaıdy.

«Kútý paraǵyna» kelip túsken ótinim maquldanǵan bolyp esepteledi jáne tek tıisti qarjylandyrýdy kútedi.

Aýyl sharýashylyǵy mınıstrligi óz tarapynan paıdalanýshylarǵa yńǵaıly qyzmet kórsetý úshin bar kúshin salyp jatyr.

Barlyq týyndaǵan qateler men usynystar qysqa merzimde pysyqtalyp otyrady.

Barlyq suraqtar boıynsha [phone] telefon nómirindegi baılanys ortalyǵyna nemese [e-mail] elektrondyq poshtasy men t.me/gosagrokz Telegram kanaly arqyly habarlasýǵa bolady.

Júıe jańa bolǵandyqtan, kún saıyn eki saǵat sýbsıdııalaýdyń barlyq baǵyttary boıynsha onlaın-demonstratsııalar ótkiziledi.

Munda árbir kórsetiletin qyzmetti alýshy ázirleýshilermen birge onlaın rejımde ótinim bere alady. Portal atalǵan formatta aqpan aıy boıy jumys isteıdi.

Sonymen qatar, qoldanystaǵy sýbsıdııalaý qaǵıdalaryna sáıkes, fermerlerden ótinimderdi qabyldaýdy bastaý merzimderi belgilendi.

Negizgi ótinimderdi qabyldaý bıylǵy jyldyń 1 aqpanynan bastap ashylady.