Qazaqstanda sý tasqynyna baılanysty 1,5 myńnan astam adam evakýatsııalandy

NUR-SULTAN. QazAqparat – Sý tasqyny kezeńi bastalǵaly 1,5 myńnan astam adam evakýatsııalandy. Bul týraly Senattyń jalpy otyrysynda QR Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Sý tasqyny kezeńiniń basynan beri respýblıka boıynsha 11 eldi mekende 192 turǵyn úıdi (BQO - 140, Aqtóbe - 41, Pavlodar - 3, ShQO - 6, Qaraǵandy - 2) jáne 78 saıajaıdy (Aqtóbe-78), sondaı-aq 3 áleýmettik nysandy erigen qar sýy basty. Sýdy burý jumystary tolyǵymen aıaqtaldy. Aýqymdy sý tasqynyna qaramastan, sý basý saldaryn joıý jáne halyqty qulaqtandyrý sharalary ýaqytyly júrgizildi, adam qurbandaryna jol berilmedi. Barlyǵy 1 595 adam evakýatsııalandy (BQO - 912, Aqtóbe - 520, Pavlodar - 10, Qaraǵandy - 117, ShQO - 36), olardyń 15-i ýaqytsha evakýatsııalaý pýnktterinde ornalasqan (BQO), 1 580-i úılerine oraldy», - dedi ıÝ. Ilın.

Onyń aıtýynsha, oblystyq jáne jergilikti mańyzy bar joldardyń 20 ýchaskesinde sý tasqyny jalǵasýda, 6 ýchaske jáne jergilikti mańyzy bar 3 kópir shaıylyp ketken.

«Sý tasqyny kezeńi jalǵasýda. 2022 jylǵy sý tasqyny kezeńiniń ótý qorytyndysy boıynsha mınıstrlik tıisti qorytyndylarmen jáne usynystarmen óńirlerde tótenshe jaǵdaılardyń týyndaýyna yqpal etken sebepter men jaǵdaılarǵa egjeı-tegjeıli taldaý júrgizetin bolady», - dedi mınıstr.

Budan buryn habarlanǵandaı, Qazaqstanda 285 eldi meken úshin sý basýdyń yqtımal qaýpi saqtalyp otyr