Qazaqstanda sý resýrstaryn basqarý jónindegi ulttyq joba ázirlenýde

NUR-SULTAN. QazAqparat – Sý resýrstaryn basqarý jónindegi ulttyq joba ázirlenip jatyr. Bul jaıynda Májilis depýtattarynyń saýalyna QR Premer-Mınıstriniń orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.

«Qazirgi ýaqytta sý resýrstaryn basqarý jónindegi ulttyq joba ázirlenýde. Onda sý qoryn qorǵaý jónindegi is-sharalar retinde ózdiginen aǵyp jatqan ıesiz gıdrogeologııalyq uńǵymalardy joıý jónindegi jumystardy kózdeý josparlanýda. Ulttyq jobany iske asyrý úshin jalpy somasy 66 193,0 myń teńgege 151 ıesiz ózdiginen tógiletin gıdrogeologııalyq uńǵymalardy joıý boıynsha jobalaý-smetalyq qujattamany ázirleýge 2021 jylǵa qosymsha bıýdjettik ótinim berildi», - delingen Úkimet basshysynyń orynbasarynyń resmı jaýabynda.

Vıtse-premerdiń atap ótýinshe, atalǵan shyǵystar respýblıkalyq bıýdjet komıssııasynyń sheshimimen qoldaý tapqan.

«Osylaısha, 2021-2025 jyldar kezeńinde jer asty sýlarynyń tabıǵı resýrstarynyń ysyrabyn, jer qoınaýy men qorshaǵan ortanyń lastanýyn boldyrmaý maqsatynda 600-den astam ıesiz, ózdiginen tógiletin, joǵary debıtti uńǵymalar men radıonýklıdteri joǵary uńǵymalardy joıý josparlanyp otyr», - dep tolyqtyrdy Roman Sklıar depýtat saýalyndaǵy jaýabynda.