Qazaqstanda stýdentterdi kásiptik praktıkadan ótkizýdiń jańa formaty engiziledi

<p>Elimizde kolledj stýdentteri praktıkadan jańa formatta ótedi. Bul týraly Oqý-aǵartý mınıstri Ǵanı Beısembaev málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Bizdiń mınıstrlik pedagog kadrlardy daıarlaýdyń sapasyn arttyrý úshin jergilikti atqarýshy organdarmen birlesip kelesi jumystardy atqarady. Úzdik balabaqshalar janynan qurylǵan quzyrettilik ortalyqtarynda jáne jetekshi mektepterdiń bazasynda dýaldy oqytý keńeıtiledi. Stýdentterdi kásiptik praktıkadan ótkizýdiń jańa formaty engiziledi», - dedi Ǵanı Beısembaev Úkimet otyrysynda baıandaı otyryp.

Mınıstrdiń aıtýynsha, 31 pedagogıkalyq kolledjdiń materıaldyq-tehnıkalyq bazasy nyǵaıtylady.

«El ishinde nemese shetelderde tájirıbe almasý maqsatynda kolledj pedagogteri men stýdentteri úshin akademııalyq utqyrlyq baǵdarlamasy engiziledi. 31 pedagogıkalyq kolledjdiń materıaldyq-tehnıkalyq bazasy nyǵaıtylady», - deıdi vedomstvo basshysy.