Qazaqstanda stýdentter sany 1 mln-ǵa jýyqtaıdy

NUR-SULTAN. QazAqparat – Barlyq ýnıversıtette stýdentterdi tolyqtaı grantpen qamtýǵa memlekette ondaı múmkindik joq. Bul týraly QR Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

Búgin elordada ótip jatqan «Adamı kapıtal - Jańa Qazaqstan damýynyń negizgi resýrsy» forýmynda tilshiler mınıstrden joǵary oqý ornyna túsetin talapkerlerdi tolyqtaı memlekettik grantpen qamtý múmkindigine qatysty surady.

«Tolyqtaı qamtý múmkin emes. Sebebi úlken demografııalyq tolqyn bar. Byltyrmen salystyrǵanda stýdentterdiń kontıngenti 6 paıyzǵa ósti jáne aldaǵy ýaqytta taǵy da arta túsedi. Qazirgi kezde 600 myńnan astam stýdent bolsa, 6-7 jylda 1 mln-ǵa jetip qalady. Demografııanyń ósýi qýantarlyq jaǵdaı», - dedi S. Nurbek.

Osy oraıda mınıstr elimizdegi barlyq ýnıversıtette stýdentterdi tolyqtaı grantpen qamtýǵa memlekette ondaı múmkindik joq ekenin aıtty.

«Qazir demografııalyq eleýli tolqyn mektepke deıingi jáne orta bilim salasyna áser etip otyr. Endi bul tolqyn aldaǵy ýaqytta joǵary bilim salasyna da óz yqpalyn tıgizedi. Bul turǵyda ınfraqurylymǵa, kadr, bilim berý baǵdarlamalaryna áserin sezinemiz», - dedi vedomstvo basshysy.

Sonymen qatar S. Nurbek stýdentterdi keńinen qamtý úshin memlekettik grantpen qatar, bilim berý kredıtterine de ekpin qoıylatynyn jetkizdi.

«Bul rette oqý kredıtterin jańǵyrtamyz. Osy baǵdarlamany jandandyryp, basqa úlgide bastamaqpyz. ıAǵnı shetel tájirıbesin pysyqtap, zerttedik», - dedi mınıstr.

Budan buryn habarlanǵandaı, bıyl oqý jylyna bólingen 88 myń granttyń kóbi óz ıesin tapqan. Jalpy grant taǵaıyndaý jumystary 25 tamyzǵa deıin aıaqtalýǵa tıis.

Stýdentterge baǵa qoıý kezinde onyń akademııalyq bilimimen birge áleýmettik jáne zertteý belsendiligin eskeretin pılottyq joba qolǵa alynady.