Qazaqstanda stomatologııalyq qyzmetterdiń baǵasy ózgerdi

<p>ASTANA. KAZINFORM — Energyprom.kz saıty usynǵan málimetke súıensek, elimizde stomatologııalyq qyzmettiń baǵasy qymbattaǵan.</p>

Bıylǵy birinshi jartyjyldyqta stomatologııalyq qyzmet kórsetý kólemi ótken jyldyń sáıkes kezeńimen salystyrǵanda 44,3%-ǵa ósip, 48,8 mlrd teńgeni quraǵan.

Ótken jyly bul kórsetkish 33,8 mlrd teńge bolatyn.

Qyzmetter eń kóp kórsetilgen óńirler:

— Almaty qalasynda (12,4 mlrd teńge);
— Astanada (11,8 mlrd teńge);
— Aqtóbe oblysynda (2,3 mlrd teńge).

Ótken jylmen salystyrǵanda qyzmet kórsetý kóleminiń eń kóp ósimi Shymkent qalasynda (+95,3%), sondaı-aq Jambyl (+74,4%) jáne Qyzylorda (+61,8%) oblystarynda tirkelip otyr.

Baǵa máselesine keletin bolsaq, aǵymdaǵy jyldyń tamyz aıynda stomatologııalyq qyzmet ótken jyldyń sáıkes kezeńimen salystyrǵanda 12,5%-ǵa qymbattady.

Atap aıtsaq:

— jergilikti anestezııamen tis julý — 17,4%-ǵa;
— karıesti emdeý — 15,4%-ǵa;
— tis protezdeý — 8,7%-ǵa;
stomatologııalyq qaldyqtardy joıý — 7,3%-ǵa ósken.

Óńirlerde baǵanyń eń úlken ósimi elordada tirkeldi, onda baǵa 29,6%-ǵa artqan. Baǵanyń aıtarlyqtaı ósýi Qaraǵandy jáne Qostanaı oblystarynda da baıqaldy (tıisinshe 23,8%-ǵa jáne 17,2%-ǵa).

Baǵanyń eń tómen jyldyq ósimi Almatyda (3%-ǵa), sondaı-aq Soltústik Qazaqstan (8,1%-ǵa) jáne Atyraý (8,3%-ǵa) oblystarynda tirkeldi.

Elimizdiń 20 óńiriniń ishinde tek Batys Qazaqstan oblysynda ǵana baǵa ótken jylǵy deńgeıde qalǵanyn atap ótken jón.