Qazaqstanda stend atýdan alǵashqy Azııa kýbogy bastaldy

<p>ASTANA. KAZINFORM &ndash; Almaty oblysyndaǵy Aleksandr Asanov atyndaǵy atý klýbynda stend atýdan Azııa Kýbogy bastaldy.</p>

Sportty damytý dırektsııasynyń baspasóz qyzmeti atap ótkendeı, atalǵan sary qurlyq dodasy elimizde alǵash ret jalaýyn jelbiretip otyr.

20-30 qyrkúıek aralyǵynda ótetin jarysqa qurlyqtaǵy 15 elden tańdaýly 200-den astam sportshy keldi.

Bul qatarda Qazaqstanmen qatar Bahreın, Úndistan, Iordanııa, Iran, Qatar, Qytaı, Saýd Arabııasy Koroldigi, Kýveıt, Qyrǵyzstan, Lıvan, Birikken Arab Ámirlikteri, Ózbekstan, Japonııa sportshylary bar.

Sonymen qatar 21-24 qyrkúıek aralyǵynda kompakt-sportıngten ashyq Azııa Kýbogy ótedi. Onda álemniń 10 elinen 100-den astam sportshy júldege talasady: Qazaqstan, Ázerbaıjan, Belarýs, Majarstan, Vetnam, Latvııa, Lıtva, Reseı.

Jarystyń resmı ashylý saltanaty 21 qyrkúıek, saǵat 17:30-da A.Asanov atyndaǵy atý kesheninde ótedi.