Qazaqstanda sottar reıtıngi alynyp tastaldy
12:06, 29 Naýryz 2018
ASTANA. QazAqparat - Qazaqstannyń Joǵarǵy soty sottar reıtıngin alyp tastady, dep habarlaıdy «QazAqparat» HAA tilshisi.
«Muqııat talqylaýdan keıin sottar reıtıngin alyp tastaý týraly sheshim qabyldandy. Onyń orynyna sottyń statıstıkasy men taldaý júıesin, sonymen qatar jeke baǵalaýdy kúsheıtý usynyldy», - dep jazady QR Joǵarǵy sotynyń baspasóz hatshysy Bolat Kalııanbekov Feısbýktegi paraqshasyna.
Ol bul máseleni elimizdiń sýdıalar korpýsy 15 naýryz kúni qaraǵanyn málimdedi. Sottaǵy baǵalaý júıesi 2011 jyldan beri jumys isteıdi. Sońǵy ret oǵan 2016 jyly ózgeris engizilgen.
Sonymen qatar Qazaqstanda «Sottaǵy mámilege kelý protsedýralary» pılottyq jobasy iske qosylǵany aıtyldy. Jobaǵa sáıkes arnaıy bitimger sýdıa taǵaıyndalyp, daýly másele ekijaqty mámilege keltirý arqyly sheshiledi.