Qazaqstanda sotqa deıingi retteýdiń jańa ınstıtýty paıda bolady
QR QM Baspasóz qyzmetiniń habarlaýynsha, apellıatsııalyq komıssııa quramyna memlekettik organdar ókilderi jáne «Atameken» QR UKP ókilderi kiredi. Osylaısha salyqtyq jáne kedendik daýlardy sotqa deıin joıýǵa jol beretin, sotqa deıingi retteý ınstıtýty paıda bolady.
Qazirgi ýaqytta salyqtyq jáne kedendik tekerýler nátıjeleri týraly habarlamaǵa jáne kameraldy kedendik tekserý nátıjeleri boıynsha buzýshylyqtardy joıý týraly shaǵymdarmen Memlekettik kirister komıteti (MKK) aınalysady.
Ótken jyldyń qarasha aıynda QR Salyq jáne Keden kodeksterine salyqtyq jáne kedendik tekserýler nátıjeleri boıynsha salyqtyq jáne kedendik daýlardy apellıatsııalyq retteý bóliginde túzetýler engizildi, olarǵa sáıkes 2017 jylǵy 1 shildesinen bastap osyndaı shaǵymdardy qarastyrýmen QR Qarjy mınıstrligi aınalysady. Osyǵan baılanysty Qarjymıni janynda Apellıatsııalyq komıssııa qurylady.
Mınıstrliktiń túsindirýinshe, engiziletin ózgertýler salyqtyq (kedendik) tekserýlerge shaǵymdaný tártibine qatysty. Sáıkesinshe, atalǵan ózgertýlerge, olarǵa qatysty tekserýler júrgizilgen jáne atalǵan tekserýler boıynsha habarlamalar sotqa deıingi tártipte shaǵym beriletin, salyq tóleýshiler jáne (nemese) syrtqy ekonomıkalyq qyzmet qatysýshylary (ıaǵnı jeke tulǵalar da, zańdy tulǵalar da) tap bolady.
Engiziletin ózgertýler jalpy bıýdjetke eleýli áser etpeıdi dep boljanýda, sebebi osy jaǵdaıda, salyqtardyń bıýdjetke túsý somalarynyń ózgerýine ákeletin, salyqtar stavkalarynyń ózerýi nemese salyqtyq (kedendik) ákimshilendirý ózerýi týraly sóz qozǵalyp jatqan joq. Engiziletin jańartýlar shaǵym qarastyrý tártibin ǵana ózgertedi, ıaǵnı shaǵymdardy qarastyrý resimi ózgeredi. Bul rette shaǵymdardy qarastyrý rásimi 2017 jyldyń 1 shildesine deıin de qoldanylady.
Apellıatsııalyq komıssııa músheleri qyzmetin iske asyrý kezinde daý qatysýshylary - taraptar múddelerine alalyqsyzdyq jáne birdeı qatynas qamtamasyz etiletini kútilýde. Olar iske ádil jáne daýdyń aıaqtalý nátıjelerinde yntalylyqsyz, ony zań aıasynda qaraıdy.
Salyqtar, kedendik jáne basqa da bıýdjetke tólenetin mindetti tólemderdiń túsýinqamtamasyz etý máselelerine jetekshilik etetin qarjy vıtse-mınıstri Apellıatsııalyq komıssııa tóraǵasy bolyp tabylady.
Shaǵym suraqtary boıynsha sheshim otyrysqa qatysýshylardyń qarapaıym kópshilik daýysymen ashyq daýys berýmen qabyldanady. Daýystar teń bolǵan jaǵdaıda komıssııa tóraǵasy daýys bergen sheshim qabyldandy dep esepteledi.
Bul rette, Salyq jáne Keden kodeksteriniń erejelerine sáıkes ýákiletti organmen (Qarjy mınıstrligi) shaǵym boıynsha dáleldi sheshim Apellıatsııalyq komıssııa sheshimin ekere otyryp shyǵarylady.