Qazaqstanda sot tóreligi ádildigin qamtamasyz etý jobasy júzege asyrylady - J.Asanov

ASTANA. QazAqparat - QR Bas prokýrory Jaqyp Asanov Qazaqstanda «Quqyqtyq qorǵaýdyń basty krıterııi - ádildik» jobasynyń bastalǵanyn jarııa etti.

Onyń atap ótýinshe, bul joba sot tóreligi ádildigin qamtamasyz etýge baǵyttalǵan.

«Biz Joǵary sotpen birge «Quqyqtyq qorǵaýdyń basty krıterııi - ádildik» Barlyq zańdarǵa monıtorıng jasaıtyn bolamyz. Basty maqsat  túrli alaıaqtyqqa jol beretin jáne sýdıalardyń ádiletsiz sheshim shyǵarýyna túrtki bolatyn normalardy taýyp, joıý», - dedi Bas prokýror.

Onyń atap ótýinshe, mundaı júıe - kinásiz adamdar men bıznestiń zardap shegýine sebep bolatyn zańnamadaǵy olqylyqtardy joıýǵa septigin tıgizetin bolady. Qazirgi ýaqytta prokýratýra men sotta naqty jospar bar jáne jobamen sýdıalar, advokattar, notarıýstar jáne prokýrorlar jumys istep jatyr.

«Kóptegen sharalar zańnamalyq sıpatqa ıe. Sondyqtan Ádilet mınıstrliginiń kómegi qajet. Biz barlyq isterdiń teń jartysyna jýyǵyn quraıtyn daýlardyń úsh sanatyna saraptama jasaımyz», - dedi J.Asanov.