Qazaqstanda sot pen pasport baj stavkalary ózgeredi

ASTANA. QazAqparat - Memlekettik baj stavkalaryna ózgerister engizildi. Bul týraly QazAqparat Memlekettik kirister komıtetine silteme jasap habarlaıdy.

Komıtet taratqan aqparatqa qaraǵanda, múliktik sıpattaǵy talap aryzdardan sottarda memlekettik baj somasynyń joǵarǵy shegi belgilendi:

jeke tulǵalar úshin – talap qoıý somasynyń 1 paıyzy, biraq 10 000 AEK-ten artyq emes;

zańdy tulǵalar úshin – talap qoıý somasynyń 3 paıyzy, biraq 20 000 AEK-ten artyq emes.

Sonymen qatar sot aktilerin kassatsııalyq tártippen qaıta qaraý týraly ótinishhattar boıynsha stavkany qoldaný tártibi ózgertildi. Osylaısha, memlekettik baj mólsherlemesi ótinish bergen sýbektige baılanysty qoldanylady. Atalǵan ózgerister 2023 jylǵy 21 mamyrdan bastap qoldanysqa engiziledi.

Qazaqstan Respýblıkasy azamatynyń (16 jasqa deıingi balalar úshin) pasportyn bergeni úshin stavkalar 8-den 4 AEK-ke deıin tómendetildi.

Qazaqstan Respýblıkasy azamatynyń pasportyn (16 jasqa deıingi balalardy qospaǵanda) bergeni úshin mólsherlemeler belgilendi:

36 bet – 8 AEK;

48 bet – 12 AEK;

Qazaqstan Respýblıkasy azamatynyń jeke kýáligin bergeni úshin ony bir jyl ishinde eki retten artyq joǵaltýyna baılanysty – 1 AEK mólsherlemesin belgileý.

2024 jylǵy 1 qańtardan bastap qoldanysqa engiziledi.