Qazaqstanda sot qyzmetkerleriniń shtattyq sany artýy múmkin
«Ákimshilik rásimdik-protsestik kodeks jobasyna engizilgen negizgi ustanym – ol sottyń belsendi róli. ıAǵnı sot usynylǵan materıaldarmen shektelmeıdi, óz erkimen barlyq qajetti dálelderdi talap etedi, tarapqa óziniń protsessýaldyq quqyqtaryn iske asyrýǵa kómektesedi, qandaı da bir qatelikterdi joıýǵa járdemdesedi», - dep toqtaldy QR Joǵarǵy soty mamandyrylǵan sot alqasynyń tóraǵasy Aıgúl Qydyrbaeva Ortalyq kommýnıkatsııalar qyzmetindegi baspasóz máslıhatynda.
Sonymen qatar ol atalǵan kodeks jobasynda eskerilgen prıntsıpte ákimshilik organ óziniń sheshiminiń zańdylyǵyn dáleldeýi tıis bolady. Osy oraıda isterdi egjeı-tegjeıli qaraý úshin barlyq múmkindikter jasaýǵa ekpin qoıylady.
Óz kezeginde Ádilet mınıstri Marat Beketaev ta sot belsendiligi kúsheıetinin atap ótti.
«Búginde bılik organdary daýlardy azamattyq sot isin júrgizý tártibimen qarastyrady. Jańa kodekste daýlardy qaraý úshin sot isin júrgizýdiń ákimshilikti túrin engizý usynylyp otyr. Onyń ereksheligi – dáleldemelerdi jınaý protsesinde sot belsendiligi kúsheıedi. Belsendi ról prıntsıpin basshylyqqa ala otyryp, endi sot dálelderdi derbes jınap, daýdyń mán-jaıyn zertteıdi, is boıynsha aldyn ala pikir aıtady, talap-aryz berýdiń saldaryn túsindiredi», - dedi vedomstvo basshysy.
Osy oraıda M. Beketaev «sýdıalardyń belsendigin arttyrý baǵytyndaǵy jumystar sottardyń júktemesin qanshalyqty arttyrady?» degen saýalǵa jaýap berdi.
«Sottardyń júktemesi artýy múmkin degen táýekel bar, rásimderdiń jeńildetiletinin eskere otyryp, sondaı-aq sýdıalardyń belsendi rólimen ózderiniń kómekterin beretinin nazarǵa alsaq, talap-aryzdar sany artýy múmkin. Osy tektes reformalar júrgizgen kóp elderde osyndaı jaǵdaı oryn alǵan bolatyn. Ol úshin sotqa deıingi mindetti rásimder eskerilip otyr. Sotqa júginer aldynda memlekettik organǵa baryp, belgilengen tártipte kelispeıtin máselelerdi málimdeý kerek. 15 kúnnen keıin sotqa barýǵa bolady. Bul óz kezeginde memorgan óziniń qatelikterin túzetý úshin jasalýda. Mundaı tetikter sottardyń júktemesiniń kúrt artpaýyna yqpal etedi. Ekinshiden, sot júıesi de daıyndyq jasaýda, qazirgi kezde tıisti esepteýler júrgizilýde. Meniń oıymsha, osy sanattaǵa ister boıynsha atalǵan baǵytta jumys isteıtin sýdıalar jáne ákimshilik memqyzmetshiler shtaty artady», - dedi Marat Beketaev.
Aıta keteıik, Memleket basshysynyń tapsyrmalaryn oryndaý maqsatynda Ákimshilik rásimdik-protsestik kodeksiniń jobasyn QR Ádilet mınıstrligi Joǵarǵy sotpen birlesip ázirledi.
Budan buryn habarlanǵandaı, jaqynda Parlament Májilisinde Ákimshilik rásimdik-protsestik kodeks jobasynyń tanystyrylymy ótti.
Belgili bolǵandaı, talap-aryzdy qabyldaý jáne qaraý rásimi jeńildetilmek. Munymen qosa sýdıanyń jańa róli sheneýnikterdi tártipke salady dep kútilýde.
Kodeks jobasynda isterdi qaraýdyń aqylǵa qonymdy merzimderi belgilenýde.