Qazaqstanda sot alqasyn tekserýdiń jańa mehanızmi jasaldy

<p><span style="font-family: sans-serif; font-size: 18px;">Qazaqstanda sot alqasyn tekserýdiń jańa tetigi ázirlendi. Bul týraly Senat depýtaty Aınur Arǵynbekova aıtty dep habarlaıdy QazAqparat tilshisi.</span></p>

«Sońǵy 4 jylda zańnyń óreskel buzylýyn kórsete otyryp, appelıatsııa men kassatsııaǵa 1 461 qaýly shyǵaryldy. Orta eseppen jylyna 365 qaýlydan keledi. Biraq, materıaldy sot alqasyna berý ne bermeýdi oblystyq sottyń jalpy otyrysy sheshedi. Nátıjesinde sot alqasyna materıaldardyń 20-25 paıyzy ǵana jetedi», - dedi senator zań jobalaý qyzmeti máseleleri jónindegi keńeste. 

Onyń aıtýynsha, osyǵan baılanysty sot alqasyn tekserýdiń jańa tetigi ázirlengen.

«Sot alqasynyń materıaldary eger apellıatsııa nemese kassatsııa óz qaýlysynda óreskel zań buzýshylyqtar týarly kórsetse birden jiberiledi. Oblystyq sottardyń jáne Joǵarǵy sottyń jalpy otyrystary endigi ýaqytta sýdtıalar qaýymdastyǵyna usynym túrinde ǵana zań buzýshylyqtyń anyqtalǵany týraly pikir bildiredi. Bul sýdııalar tarapynan zańdylyqtyń buzylýyna tıimdi áreket etýdi arttyrady», - dedi Aınur Arǵynbekova.

Aıta keterligi, atalǵan keńeste «QR sot júıesi men sýdıalarynyń mártebesi» Konstıtýtsııalyq zańyna ózgerister men tolyqtyrýlar engizý týraly», «QR keıbir zańnamalyq aktilerine sot júıesin reformalaý máseleleri boıynsha ózgerister men tolyqtyrýlar engizý týraly» zań jobalary qaraldy.