Qazaqstanda Sot ákimshiligi qurylýy múmkin

ASTANA. QazAqparat – QR Joǵarǵy Soty janyndaǵy Sottardyń qyzmetin qamtamasyz etý departamenti Sot ákimshiligi bolyp qaıta qurylmaq. Bul týraly ashyq talqyǵa shyǵarylǵan tıisti organnyń «Sot ákimshiliginiń keıbir máseleleri týraly» qaýlysynda kórsetilgen, dep habarlaıdy QazAqparat tilshisi.

Qujatqa saı, Sot ákimshiliginiń mindetteri:

- sot ákimshiligi salasyndaǵy memlekettik saıasatty ázirleý jáne jetildirý;

- sot tóreligin tolyq jáne táýelsiz iske asyrý úshin qajetti jáne tıisti jaǵdaılar jasaý;

- sot júıesi men sottardyń qyzmetin jetildirýge baǵyttalǵan júıeli reformalardy ázirleý.

«Sot Ákimshiligi QR Joǵarǵy Sotynyń, jergilikti jáne basqa da sottardyń qyzmetin uıymdyq-quqyqtyq, aqparattyq-taldaý jáne materıaldyq-tehnıkalyq qamtamasyz etýdi júzege asyratyn sot ákimshiligi salasyndaǵy ýákiletti memlekettik organ bolyp tabylady», - delingen qaýlyda.

Mundaı tásil sot tóraǵalaryn ákimshilik fýnktsııalardan bosatýǵa múmkindik beredi. ıAǵnı, endi sýdıalar korpýsy tek sot tóreligin júzege asyrý máselelerimen ǵana aınalysady.

Sot ákimshiligine zańnamada belgilengen tártipterge sáıkes ýákilettik berilgen bolsa, onda ol memleket atynan azamattyq-quqyqtyq qatynastar tarapyn usynýshy orǵan bolýǵa quqyly.

«Degenmen Sot ákimshiligine kásipkerlik sýbektilerimen onyń ókilettigi bolyp tabylatyn mindetterdi oryndaý turǵysynda sharttyq qatynastarǵa túsýge tyıym salynady», - dep kórsetilgen jańa uıymnyń tárptipterin aıqyndaý qujatynda.

Sondaı-aq, Sot ákimshiligi qyzmetkerleriniń jalaqylary QR Premer-Mınıstri keńsesiniń jáne QR Parlamenti palatalary apparattarynyń qyzmetkerlerimen teńestiriledi.

Sot ákimshiligin qurý jumystary men oǵan qajetti sharalardy qabyldaý Joǵarǵy Sot pen Úkimetke júkteledi. Bul baǵyttaǵy jumystar 3 aı merzimde aıaqtalýy tıis.