Qazaqstanda sońǵy 5 jyl ishinde ekstremıstik jáne terrorıstik uıymdarǵa qatysy bar 70 sheteldik ustaldy - Bas prokýratýra
18:03, 24 Mamyr 2013
ASTANA. 24 mamyr. QazAqparat - 2008-2013 jyldar aralyǵynda terrorıstik qylmystar úshin sottalǵandardyń sany 27-den 171-ge deıin, al ekstremıstik qylmystary úshin sottalǵandardyń sany 56-dan 168-ge deıin ósken.
Bul týraly búgin QR Bas prokýratýrasynda talqylanyp jatqan 2013-2017 jyldarǵa arnalǵan QR Dinı ekstremızmmen jáne terrorızmmen kúres jónindegi memlekettik baǵdarlamasynyń jobasynda jazylǵan.
Sonymen qatar, jobanyń derekteri boıynsha, sońǵy 5 jylda Qazaqstan aýmaǵynda halyqaralyq ekstremıstik jáne terrorıstik uıymdarǵa qatysy bar 70 sheteldik azamat ustalǵan.