Qazaqstanda sıntetıkalyq esirtkini tutyný ulǵaıady dep boljanýda
"Geroın jetkizý kólemi kemigen kezde, esirtki paıdalanýshylar nashanyń ózge túrlerin izdeı bastaıdy. Sondyqtan bizdiń boljam boıynsha, sıntetıkalyq esirtkini paıdalaný kólemi arta túsýi yqtımal. Ol qazirdiń ózinde baıqala bastady. Elge sıntetıkalyq esirtkilerdiń úlken aǵyny túse bastady", - deıdi Astanada ótken UQShU elderiniń zańsyz esirtki aınalymyna qarsy kúres organdarynyń úılestirýshi keńesiniń 18-otyrysynda ІІM esirtki bıznesine jáne esirtki aınalymyna qarsy kúres departamentiniń basshysy Sultan Kúsetov.
Óz kezeginde QR Іshki ister mınıstri Qalmuxanbet Qasymov esirtki saýdasyna qatysty negizgi máselelerdi kóterdi.
"Birinshisi - ol aýǵan geroınin bizdiń memleket arqyly Reseıge, Eýropaǵa tasymaldaý. Árıne, ol nashanyń bir bóligi bizdiń elde qalyp qoıady. Munda bizdiń negizgi basymdyq - geroın kontrabandasyna tosqaýyl qoıý, iri esirtki tasymaldaýshylardy, osy salada qyzmet etip júrgen qylmystyq top uıymdaryn anyqtaý. Osy salada birneshe memlekettik baǵdarlamalar júzege asyryldy. Bıýdjettik qarajattar negizinen ońtústik shekara beketterin nyǵaıtýǵa, shekara qyzmetterine, kedendik organdarǵa jumsaldy", - dedi mınıstr.
"Ekinshi - marıxýana men gashıshti óndirýge qajetti shıki ónimmen qamtamasyz etip otyrǵan Jambyl oblysyndaǵy 140 gektar jabaıy sora alqaby. Sondyqtan bul aımaqta arnaıy maqsattaǵy bólimshelerdiń, arnaıy kólik jáne tikushaq texnıkalarynyń tartylýymen aýqymdy jedel-aldyn alý sharalary jıi ótip turady", - dedi Q. Qasymov.
Mınıstrdiń aqparaty boıynsha, Qazaqstanda ishki ister organdary jylyna 3 myńnan astam esirtki qylmystary anyqtaıdy. Shamamen 30 tonna esirtki, sonyń ishinde 150 keli geroın tárkilenedi.