Qazaqstanda sıntetıkalyq esirtki óndirisi beleń aldy – ІІM
Onyń aıtýynsha, bastapqyda mundaı esirtki tolyǵymen sheteldik óndiriletin jáne elge kontrabandalyq jolmen nemese poshtalyq jáne logıstıkalyq kólik arnalary arqyly jetkizilgen. Keıde «sıntetıka» qurastyrmaly túrde – ıaǵnı zańdy hımııalyq zattar túrinde ákelinip, esirtkiniń az dozalary shyǵarylǵan.
«Alaıda, qazirgi «qara» naryqty taldaý kezinde esirtki satýshylardyń el ishinde jasyryn zerthanalarda sıntetıkalyq esirtki óndirisin bastaǵany anyqtaldy. Birneshe jyl buryn eldegi esirtki ahýalyna pármendi áreket etýge múmkindik bergen zańnamalyq bastamalar paketi qabyldandy», - dedi Baqytjan Ámirhanov mınıstrlik uıymdastyrǵan onlaın-brıfıngte.
Spıkerdiń málimetinshe, 2019 jyldan bastap ishki ister organdary 35 esirtki zerthanasyn joıyp, 182 kg «sıntetıka» tárkiledi. Barlyq jaǵdaılarda hımııalyq prekýrsorlar, reagentter men zerthanalyq jabdyqtar Qazaqstanǵa logıstıkalyq kompanııalarmen, kórshi elderdiń poshta jóneltilimderimen jetkizilgen. Sondyqtan ІІM kólik-logıstıkalyq kompanııalarmen tyǵyz baılanysyp, kúdikti jóneltilimderdi anyqtaıdy.
«Ótken aıda elordada «Family Village« kottedj qalashyǵyndaǵy úılerdiń birinde esirtki óndirisin bastap, kóterme satýmen aınalysqan jergilikti turǵyndar ustaldy. Sol kezde 1200 «Ekstazı» tabletkasy, 2 kg «Alfa-PVP» jáne 140 lıtr prekýrsorlar alyndy. Salmaǵy 1,2 kg bolatyn 2 sıntetıkalyq zat joıyldy, tek osy fakt boıynsha 4 kg sıntetıkalyq esirtki tárkilendi», - dedi Baqytjan Ámirhanov.
Eki aıda polıtseıler 370-ten astam esirtki qylmysyn anyqtady, 7 esirtki zerthanasyn joıdy, 420 kg-nan astam esirtki, onyń ishinde 196 kg gashısh, 213 kg marıhýana jáne 6 kg-nan astam sıntetıkany tárkilegen.