Qazaqstanda «Shyn Júrekten» atty alǵys bildirý saıty iske qosyldy

NUR-SULTAN. QazAqparat - Birinshi naýryz, ıaǵnı Alǵys aıtý kúni «Shyn Júrekten»: Jurekten.kz áleýmettik, volonterlik jobasy bastaldy, dep habarlaıdy QazAqparat.

Elimizdiń turǵyndary alǵys bildirgisi keletin adamdaryna «raqmetin» jetkize alady. Ol úshin saıtqa kirip, alǵys jiberý jetkilikti. Jyly sózderdi kez kelgen adamǵa: ata-ana, alǵashqy muǵalim, dáriger nemese beıtanys adamdarǵa da arnaýǵa bolady.

Joba jetekshisi Black & White Production kompanııasynyń atqarýshy prodıýseri Adına Hamardyń aıtýynsha, «Raqmet» dep aıtý qıyn nárse emes, ony estigen adamnyń da qýanyp qalatyny sózsiz.

«Biz qazir pandemııa týdyrǵan, qıyndyqtar men shekteýler áser etip jatqan erekshe ýaqytty bastan ótkerip jatyrmyz. Bizdiń jobanyń maqsaty – adamdardy osyndaı kúrdeli kezeńde bireýge shyn júrekten alǵys aıtyp, rızashylyq bildirýge shaqyrý»,-deıdi prodıýser.

Joba avtorlary qazir biz jaqsy jańalyqtardan góri jaǵymsyz jańalyqtardy jıi estımiz degendi alǵa tartady. Bizdiń aınalamyzda kóbinese yzaly jáne qatygez adamdar ómir súretin sııaqty. Biraq meıirimdilik, jaqsylyq jasaý, mahabbat sezimderi qaıda qaldy? Árıne, bul qasıetter joǵalyp ketken joq, tek olar týraly adamdar qazir az aıtady.

«Sondyqtan óz oqıǵalarymyzben bólisip, aınalamyzda qansha qamqor adam bar ekenin kóreıik!»,-deıdi Adına Hamar.