Qazaqstanda shyǵarylǵan akkýmýlıatorlar Frantsııaǵa eksporttalmaq

NUR-SULTAN. QazAqparat – Memlekettik qoldaýdyń nátıjesinde 300-ge tarta kásiporyn ózderiniń ótinimin alys elderge sata bastady. Bul týraly QR Saýda jáne ıntegratsııa mınıstri Baqyt Sultanov málim etti, dep habarlaıdy QazAqparat tilshisi.

«2019 jyldan beri óndirýshi zaýyttan ımporttaýshyǵa deıin taýardy jetkizý boıynsha óńdelgen ónim eksporttaýshylarynyń shyǵyndaryn óteý tetigi engizildi. Qoldaýdyń arqasynda 300-ge tarta kásiporyn ózderiniń ótimin alys elderge jetkize bastady», - dedi B. Sultanov onlaın rejımde halyq aldynda esep berýi kezinde.

Ol sózine naqty mysaldar keltirdi.

«Shyǵyndy óteý zyǵyr men rapsty Belgııaǵa jetkizýge, al metallýrgııa ónimin Japonııaǵa jetkizýge kómektesti. Bizdiń akkýmýlıatorlar endi Italııada satyla bastady, sondaı-aq bıyldan bastap Frantsııa naryǵyna ótkizemiz», - dedi mınıstr.

Budan buryn habarlanǵandaı, Baqyt Sultanov eksportqa qatysty jaǵdaıdy aıtty.

«Karantın shekteýleri men ónim jetkizýdegi kemshilikter azyq-túlik emes taýarlarǵa suranystyń 20 paıyzǵa jýyq tómendeýine alyp keldi. Sonymen qatar, lokdaýndar aýyl sharýashylyǵy taýarlarynyń saýdasyna aıtarlyqtaı áser etpedi», - dedi mınıstr.